ظلام عُمر

( 26 )

#ظلام_عُمر
#رقيه_عباس

قراءه ممتعه

لم أعدْ أرتجِف خوفًا
حين أستَيقظ في الليل
وأرى أنني وحدي،
بِتُّ أرى الليل ظلًا ليديكَ.

آدم:- يكول ما ارجع اليوم

ام ادم:- ليش؟

آدم:- مادري

ابو ادم:- ليش غالق تليفونه؟

آدم:- يكول مابي شحن و نسيت ماشحنته

ابو ادم:- خير ان شاء الله

عفتهم اليوم وصعدت حتى انام بغرفتي ممرتاحه جوه ابد ساره صعدت وياي دخلنه للغرفة نضيفه تلمع ومبين احد منظفها سألت ساره

زينه:-ساره هاي منو منظف الغرفه انتِ؟

ساره:- لا خيه بس من رجعنه من المستشفى صعدت انظفها لكيت سرور منضفتها بس مو هيج

زينه:- لعد منو؟

ساره:- اكيد عمر

زينه:- عمر!

ساره:- اي شبيج هوَ اصلاً جان ميخلي احد ينظف غرفته قبل لا تتزوجون هو ينظفها فديت اخويه ورجلج المعدل هههههه

زينه:- ههههه والله خوش منظفها

ساره:- اي باعي حتى الميز مرته

زينه:- دائما يرتب ورا من يكمل ، تعالي اكعدي

كعدت هيَ ونورس وسرور اجت ورانه طلعت جان اكو نساتل وكرزات واجباس وسرور جابت عصاير وكعدنه نسولف شويه شويه وصلنه للبصره

ساره:- اي فـ مو كلهم بالبصره اكو منهم بـ اربيل

سرور:- عود ليش بـ اربيل شعدهم مفتهمت

ساره:- هوَ امجد من زمان اخذ اخوته وراح من جنتي طفله كَون روحه وحياته بنفسه واستقروا وحيدر ما ثابت يوم هنا ويوم بالبصره ويوم بأربيل حسب

زينه:- هذولي منين اني ماعرف بس كرار وحسين تره

سرور:- باعي كرار وحسين وسيف وحيدر اخوان اشواق ولد عمو الشيخ الاجه ويوسف وامجد وكرم ولد عمي ميت من زمان يصير اصغر من بابا بسنة
وعندي عمات ثنين وحده عدها ثنين بنات وولد مسافر وعمتي الثانيه عدها بنيه وحده

زينه:- هااا

سرور: - اي

زينه:- مشايفتهم ولا مره اني

سرور:- من يجون اشوفجياهم

ساره:- عندي حساباتهم من انزل اجيب تليفوني اشوفج

ضلينه نسولف الحد الساعه بـ12 ساره رادت تنزل وبتها تبجي تريد تبقى

ساره:- لج نورس امشي خل ننزل عود باجر اصعدي امشي نامي

نورس:- ما ابقى هنانه

زينه:- هاي شبيج عوفيها خطيه

نورس:- انام هنانه يم زينو