#ظلام_عُمر
#رقيه_عباس
"وما بَينَ الضُّلوعِ إِليكم شَوقٌ تَزولُ الرَّاسياتُ ولا يَزُولُ"
ثاني يوم الساعة 8:00 صباحاً
سرور:- زينه زينه ولج راح ادفرج
زينه:- ها يمعوده
سرور:- عمر يريدج
بعدها تحجي بس سمعت عمر يريدني طفرت
زينه:- شكو ليش شيريد
سرور:- يكول نروح نسوي تحليل مال دم حتى تعقدون محكمة بابا يكول هسه اعقدوا احسن
زينه:-بس اني ويا نروح؟
سرور:- مادري يمكن
زينه:- لا عفيه سرور اخاف
سرور:- ادري رايحه ويه مجرم بعبع؟
زينه:- لا مو قصدي هيج
سرور:- قصدج او لا يلا ولج فضيها هاي جبتلج ريوك كومي
زينه:- زين ليش هسه اليوم
سرور:- عمر يكول بس اليوم فارغ
كمت غسلت وتريكت و لبست فستان اسود وبي حزام وحذاء ابيض وشال اسود وخليت مكياج قليل وحطيت عطر بعدني البس بالحزام ودخلت سرور
سرور:- صدك ماكتلج اليوم تجي ساره
زينه:- ساره؟ عزه تدرين ناسيتها ليش ما اجت بالعقد؟
سرور:- لج مو ما لحكوا وضاجت اصلا زعلت المهم كملتي؟
زينه:- اي بس اذا سوينه تحليل يطلع نفس الوقت؟
سرور:- والله مادري بس كال يمكن يطلع بسرعة لان اكثرهم هناك يعرفون عمر لان راح ترحون للمستشفى الي يداوم بيها
زينه:- تمام بس سرور والله استحي تعالي وياي
سرور:- لا بالعكس روحي حتى يتعود على وجودج وانتِ همين تتعودين شبيج
زينه:- خل خاله تروح او انتِ
سرور:- لا عيني اني وشهد راح نرتب الغرف الفوك وامي تستقبل ياره وزوجها يعني ساره وزوجها وبعد كم شخص
سكتت لان مبين ماكو فايده اروح اروح نزلنه اني وسرور جان عمر وعمو ابو ادم وخاله بالصاله جان عمر ضهره على الدرج ماشافنه من نزلنه
صبحنه عليهم ردوا عمر رد وهوَ داير وجهه باوعت على سرور تمشي قبلي التفت عليه والتليفون بيده
عمر:- يلا يابه اذا كملتي تأخرنه
زينه:- كملت
عمر:- يمه يعني مترحين؟ لا انتِ ولا سرور
ابو ادم:- يابه اخذ خطيبتك وروحوا شعدهن رايحات وياكم يلا توكلوا
طلعنه فتح الباب الكدام ضليت صافنه اشر بعيونه بمعنى اصعدي صعدت بالسياره وهوَ دار صعد هم
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
