ظـلام عـمـر
يا مَعشَرَ الشُعرَاءِ أفتُوني إذَا
غَاب الحَبِِيبُ فَمَا يَكُون
حضني ابتسمت بادلته وهمست يم اذنه
زينه:- مشتاقتلك هواي عُمر
بعد عني وركز بعيوني بـحُب بادلته نفس النضرات لكن نضرات متروسه خجل تقرب مني باسني بهدوء لازم وجهي بثنين ايده وگال:
عمر:- حظري نفسج ثمانية بالليل نطلع
زينه:- خليها بعدين أنتَ اليوم اجيت تعبان
عمر:- لهل عيون حتى التعب يهون
اباوعله متفاجأه لا لا عمر اكيد مبدلي عزه متغير حيل احس گلبي يرگص من الفرح صح من جان مسافر هم هيج بس مو الهاي الدرجه
ابتسمتله وحضنته حيل من رگبته بادلني ويضحك ، راح للحمام وطلع صلا وطب يسبح واني نزلت وره نص ساعة نزل مبدل لابس تراك طب للمطبخ يشرب مي مجان احد موجود بس اني شافني ابتسم ابتسامه عريضه
وطلع واني احس فراشات ببطني گعدنه گعده عائليه كيك وگهوه وسوالف حلوه ويسولف شصار ويا هناك شويه وگاموا هوَ وادهم طلعوا...
بالليل گاعده گدام المراية احط مكياج وعمر ديبدل اول مره يلبس لبس غير الاسود حيل فرحت واخيراً نزع هل لون كملت ولفيت الشال هيج شمرته گمت حطيت عطر شفته يباوعلي نظره مليانه اعجاب
عمر:- شدعوه هيج طالعه حلوه
زينه:- غير طالعه عليك عيني دكتور
صغر عيونه وگال بگزگزه
عمر:- اروح فدوه الهل عيون
ضحكت على حركاته متغير هواي
عمر:- يلا اذا خلصتي حتى نطلع
زينه:- اي يلا كملت
طلعنه صعدنا بالسياره شغل اغنية " خذني اليك " العادل جراح ، بنص الطريق سحب ايدي الجانت على رجلي قربها من شفايفه وباسها
طبگ بمكان كلش حلو مطعم على النهر جان حاجز الطابق الفوگ كله طلبنه اكل اكلنه وهوَ بس يباوعلي ويبتسم
زينه:- عُمر شبيك
عُمر:- شبيه
زينه:- بس تضحك
عُمر:- مو زين
نزلت راسي وگتله
زينه:- حسيت بالخطر ممتعوده عليك
ضحك بصوت عالي ملئ المكان وهز راسه بنفي
عُمر:- لتخافين ماكو خطر..
كملنه وطلعنه نفتر ايد بـ ايد سولفنه هواي واكثر سوالفنه ضحك
صفن بوجهي وعيونه تلمع ضل صافن حچيت بصوت اشبه بالهمس
زينه:- عيونك بيها لمعه
عُمر:- هاي بس من توگفين گدامي !
ضحكت ونزلت راسي بخجل ضحك هوَ وگال:
عمر:- زينه
زينه:- ها
عمر:- تقبلين تكملين حياتج وياي ونروي قصتنه بالمستقبل ؟
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
