ظــلام عـمـر
قراءه ممتعه
نخمش گلبي واني اسمع صوت عمو وصيحة ادهم بعلو صوته المافهمت شي منه
حيدر واگف گدامنه گعد على ركبه مهدود حيله رفعت عيني اشوف واحد بحـضن عمر وعمو ، سابح بدمه صدره الغرگان دم
وگـف عقلي من سمعت اسـم ادم الـشخص الغرگان بدمه واحتمال مـيت آدم!
ماعرف شنو صار بهذا الوقت كلشي مر سريع مثل الحلم ادم بحضن عمر وعمر ايده على صدر ادم التغطى بالدم صحينا كلنه من عمر صاح
عمر:- نبضه ضعييييف السياااره بسرعة
ركض حيدر شغل السياره شالوا ادم للمستشفى وادهم وكرار وعمو راحو وعمر بسرعة صعد فوگ للغرفة يصعد كل بايتين سوه نزل سويج السياره وطلع
سرور التلطم على وجهه وتصيح وشوق اساوراليبجون دخلت للبيت بالگوه رجليه شايلاتني وگعت ماتحملت ضليت گاعده بالگاع خالصه طاقتي ابچي وعيني بالگاع
ادم ياناس ادم محد يگدر يتخيل البيت بدونه ماتخيله يموت ماتخيل البيت بدونه البيت من اختفى الهسه محلو وكئيب وكلنه جان عدنه امل يرجع اذا مات معناها البيت صار مقبره
عمر البعده متأثر بموت مرته وابنه هل مره اخو يمكن يموت وخاله الي نشلت من سمعت شيصير بيها لو تسمع هذاك الخبر لو ساره الكل شويه ناقليها للمستشفى عن الم منو احجي؟
سمعت انين گمت بيه مابيه واشوف خاله واگعه بالـگاع من الصدمه نسيتها جانت شبه فاقده گمت اصيح على البنات اجت اساور ساعدتني شلناها الغرفتها وشربناها حبوب السكر والضغط ومي وهيَ بس تبجي الحد ما نامت وبعدها تون
گمت السرور گاعده بالـگراج تبجي ولامه رجلها الصدرها وعينها على الدم وشوق يمها رحت يمها شمرت نفسها بحضني ضلت تبجي وترجف ضليت حاضنتها وامسد على شعرها شوق جابت مي شربتها وگومناها للصاله ضلت گـاعده صافنه وتردد بـ اسم ادم وتدعي ، حسيت وعبالك جاي افقد انور من جديد...
مرت على روحتهم اكثر من ساعة وسمعت صوت بالمطبخ كمنه اني والبنات عمر وكرار
كرار:- عمر لا تخبلنييي عمليه خطره ومحد من الدكاتره يجاااازف يخافون حاول اخوك هذا
عمر؛- كرار ماگدر ماگدر
كرار:- ليش بله ، لا تـگلي خايف لو ماگـدر الصاااار ويه جوهره قضاء الله وقدره ماتت والله يرحمها انت مالك علاقه عمر ادم حياته متعلقه بگشايه!
عمر عاف كرار يحجي ومحترگ حرگ وصعد
كرار: استغفر الله الصبر يا الله
طلع بره يخابر والبنات ولا وحده سألته
صعدت العمر لگـيته گاعد وراسه بين ايده وجتافه تهتز
زينه:- عُمر
عُمر:- شجابج
زينه:- ادم شصار ويا
أنت تقرأ
ظلام عُمر
Ficción Generalأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
