#ظلام_عُمر
#رقيه_عباس
قراءه ممتعه
-لم أحبّك ، لقد إنهَمرت بك
ولا شيء يستطيع ، إيقاف الجريان
الذي يجعلنا غرقى بك.
كعدت على صوت الاغاني بس نصاصيه مو كلش عالي لان الغرفة بعيده عن الطابق الاول كمت غسلت وغيرت ملابسي ورتبت وجهي لان اكيد كلها جوه واهم شي مشطت اكيد ما انزل كوشتي جني وحده مكتوله مثل ما نمت كملت ونزلت مبتسمه اغني ويه الاغنية
تصنمت بمكاني من الشفته ما توقعت هيج صاير
جانت الصاله هوسه
ادم يركص هوَ وسرور وساره و عمر وادهم يسولفون ومبينه الفرحه بوجهم وعمو ابو ادم واكف يباوع عليهم والفرحه بينه بعيونه
وخاله تضحك وتهوسلهم و وشهد تهلهل هيَ وخواتها وامهن تهوس ويه ادم
عفتهم ورحت للمطبخ تريكت ورجعت شفتهم يركصون حتى عمو وخاله هم والبنات يهلهلن والهوسات وحده وره الثانيه اول مره اسمعهن
وره شويه طلعو الولد وعمو هم وبدينه نرتب البيت لان بـ1 نطلع للبصره صراحه جنت اريد اروح وبنفس الوقت ما اريد بسبب الطريق
بدو يصبون وره الصلاة اني وسرور وساره اكلنه بسرعة وصعدنه نرتب روحنه اني وساره رحنه الغرفتي بدينه نترتب اني لبست الفستان الجبته وخليت مكياج وساره سوت عيوني صارن يجنن
وساره بقت واكفه تسوي عيونها وكعدت ترتب روحها
لبست صايه جديده ملابستها وشال شمرته شمر ولبست حذاء عالي وسويت شعري بس لميته بكماشه شلون مجان حتى ميخرب
زينه:- ها حلوه؟
ساره:- تموتين تجننين ما شاء الله الفستان يجنن عليج
زينه:- شو مادري احس مستحيه منه
ساره:- انجبي جاي على جسمج قالب لان ضعيفه
زينه:- هوَ بكل الاحوال لابسه صايه فوكا
ساره:- اي بس غير تنزعيها
زينه:- اي هناك ، نورس وين
ساره:- يم خاله
زينه:- اني كملت
ساره:- اني هم بس اخلي الحمره
زينه:- عزه نسيت
ساره:- شنو
زينه:- مطلعت ملابس عمر هوَ جان مطلعهن وضميتهن ونسيت اطلعهن
ساره:- همزين تذكرتي
زينه:- اي والله
-رحت للكنتور طلعتهن جانن قميص اسود وستره والبنطرون بدون رباط او اي شي خليتهن على الجربايه ونزلنه الكل جاهز ، واكفه يم الدرج ودخل عمر اجه وكف يمي
عُمر:- اكو احد فوك؟
زينه:- لا محد
هز راسه وصعد التفتت لكيت خاله تأشرلي اصعد ورا هزيت راسي بـ لا عافت البيدها واجت تمشي عبالك هداده
أنت تقرأ
ظلام عُمر
Ficción Generalأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
