#ظلام_عُمر
#رقيه_عباس
قراءه ممتعه
لَم تكن إِختياراتي ، كـانت مواقفي
والفرق بَين الأمرين واسع ،
لقد تصرفتُ وفق الموقف ،
الذي لم أختر أَن أَكون فيه ،
نصدمت بـ منظره!
جانن ملابسه عِباره عن تراب و شعره مهوس وحتى عيونه جانن وارمات
زينه:- عمر بيك شي
هز راسه بـ لا وكعد على السَرير بتعب شمر نفسه
رحت جبتله مي وانطيته مد ايده وهيَ ترجف جان واضح التعب عرفت وين جان
زينه:- جنت بالنجف صح؟
عمر:- ايي
زينه:- كوم للحمام اسبح حتى تنام
هز راسه وكام بالكوه يمشي مادري شلون جان يسوق
دخل للحمام حظرتله ملابس وطلعتله مُسكن خليته على الميز ويمه مي
مادري شلون انطاني گلبي
بس انقهرت عليه وعلى وضعه جان عبالك مضيع شي
او مضيع نفسه!
ما طول بالحمام انطيته الملابس بدل وطلع شرب الحبايه ونام وتلفلف
رحت توضيت وفرشت السجادة وطفيت الضوه
صليت ودعيتله من كل گلبي الله يصبره وينطي القوه ويعينه
كملت بعد ما قريت سورة " يس" الاهلي والجوهره ونمت بصفه ما جاني نوم بقيت كاعده الحد الساعة بـ7 نزلت لكيت ادهم وادم يتريگون ويتعاركون
آدم:- لك اني الجبير الي يعني
ادهم:- لك ما نايم انه اريدها
آدم:- من تطلع اشرب
ادهم:- خوب انتَ من تطلع اشرب
زينه:- صباح الخير
آدم:- هاي اجت زينه خل تختار
زينه:- يمه شختار
ادهم:- هاي الگهوه المن
زينه:- اشربوا ثنينكم
آدم:- مخلصه بيها على كد كوب
ادهم:- انه ما نايم انت نايم شبيك
زينه:- ليش مو كل واحد فنجان ومن تطلعون تشربون؟
آدم:- خوش حل
ادهم:- لا خويه متكفيني
آدم:- حقك ، دبر وضعك
ادهم:- امري الـ الله
أنت تقرأ
ظلام عُمر
General Fictionأنا العاشق السيء الحظ ، لم أستطع الذهاب اليكِ ، لم أستطع الرجوع الي . اقدم لكم (( ظلام عُمر)) انا رقيه عباس #ظلام_عمر
