أنت تقرأ

لا توجد لا في قاموس النساء

General Fiction

... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...

#عامه #قصص

بارت 6

72 8 10 
                                    

                                              

سمر  

                          
كمت وجان اشوف ابوي كدامي بملابس الشغل 
عيونه حمر مانسيت نظرته ابد 
ضربني راجدي 
وكانت هاي اول مرة بابا يمد ايده علية 
أني بنته الوحيدة ومدللني من دون كل أخوتي 
بس هو كان  بموقف لا يحسد عليه 

                          
جرني من ايدي 

                          
ابو سمر": عفية عفية بنيتي دازج تدرسين لو تواعدين!؟ 
وانت علي  شكد جنت اكول عليك انك ولد فقير وحباب 
وماعندك  هاي السوالف 
تالي اشوفك وي بنتي 
ماخفت ما استحيت ! 
عيب عليك كدام الناس كاعد وياها 
ماتخاف على سمعتها 
مو هاي هم عرضك 
بنت خالتك 
بس الي حجي وي اهلك 

                          
صار عصبي كلش جرني من ايدي حيل 

                          
علي لزم ايد ابوي برجاء وتوسل 

                          
علي": عمي أني اسف اعذرني بس انت تعرف أني أكثر من مرة اجيت وجبت  اهلي وخطبت سمر وانتم ما قبلتوا 
شسوي بعد 
والله احبها 
واحد غيري كل شي يسوي 

                          
ابو سمر": هذا مو عذر وبعد اذا شفتك صوب بنتي ماتلوم الا نفسك 

                          
أخذني بابا للبيت  وطول الطريق جابني تكفخ 

                          
أني علاقتي ببابا قوية كلش وأقوى من علاقتي بأمي 

                          
بابا فقير كلبه طيب وعلى نياته بس امي هي تحش  برأسه واي شي  تريد  هو ينفذه بدون تفكير 
مااريد اكول  بابا شخصيته ضعيفة بس هاي الحقيقة  للأسف 

                          
وصلنا للبيت بابا عصبي وكال لامي وهم ضربتني 
صرت مكفخه بإختصار  
ومو  شي جديد امي تضربني بسبب علي 
يا ما شبعت راجديات منها لأن تشوفني وياه نسولف 
شكد منعتني من أني صغيرة 
بس ماامتنعت منه ابد 
وبقيت متمسكه بيه 
وهو هم 

                          
ابو سمر" بعد حتى موبايل ممنوع ومصرف ماكو 
وراح ابطلج من المدرسة مثل سهر 

                          
سمر ": منيلي موبايل 
موبايلي عند امي من زمان اخذته مني وشنو تبطلوني من المدرسة شمسوية اني 

                          
امي صارت عصبية ملختني من شعري كمت ابجي بابا حسيته انقهر واتعاطف وياي شوي 

                          
تالي طلعوا عافوني بغرفتي 
بعد ماامي  سممتني بالكلام الجارح 

                          
خلصتها بجي 

                          
صار وقت الغدا 

                          
سمعت بابا 

                          
ابو سمر": صيحيلها خلي تجي تتغدا 

                          
لا تتخربط صارلها ساعه بس تبجي 

                          
ام سمر ": خليها تولي اريدها تتربى بنية وحده وشلعت كلبي 
تتفرفر وي ابن خالتها على ساعه يشوفها واحد وتنفضح 

                          
ابو سمر": ادبتيها وكافي لهنا وبس راح تموت من القهر 
بعد شنسويلها نذبحها! 
روح بابا كرار صيح  لأختك  

                          
اجاني كرار اخوي الصغير  

                          
سمر ": روح مااريد اكل عوفوني بحالي
لا توجد لا في قاموس النساءحيث تعيش القصص. اكتشف الآن