لا توجد لا في قاموس النساء

بارت 22

( #خطيبي الغريب )
• قـال امـير المـؤمنين ؏ـلي ´ عليه السلام ' 💗

لا يكمل الشرف إلا بالسخاء والتواضع 💗

.
.

إذا كان الناس يفضلون في بعض الأوقات تذكّر الأيام الجميلة من الماضي، فإنّ الأيام القاسية يصبح لها جمالٌ من نوع خاص، حتى الصعوبات التي عاشوها تتحول في الذاكرة إلى بطولة غامضة، ولا يصدقون أنهم احتملوا ذلك كله واستمروا بعد ذلك.

عبد الرحمن منيف || 𝅘𝅥𝅮

الساعه ب١٢ باليل ببيت احلام خلصت خطوبة سهر وكل شخص راح لبيته

بس دموع ما هي

امها  تدور عليها من الساعه ثمانية ماضل مكان مادورناه
حتى لبيوت الجيران رحنا وسألنا الناس الي جانوا بحفلة الخطوبة كلهم خابرناهم

ام دموع تخربطت وساحت روحها من البجي واللطم على بنتها

ام دموع ببكاء مرير-: لج ماما دموع وين رحتي ابوج كل شوي مخابرني يكولي وين رحتن  تأخر الوقت واني حايرة شنو اكوله شلون يا الله وين  رحتي

باوعت لسهر كانت تبجي نزعت بدلتها ولبست ملابس بيت واجت يم ام دموع تواسيها لحد ما نلكى دموع

تحول الفرح إلى حزن وكآبة وذهول 

احلام ذرة إنسانية ماعدها من شافت ام دموع بهاي الحالة  مارحمت بحالها بل زادت الطين بلة

احلام بملل ': يعني شلون اليوم احنا ماراح نخلص من هاي المسرحية السخيفة روحي لبيتج ونوحي وشوفي بنتج ويامن  سهرانه الليل

انوب التفتلي وكالت-: اذا صديقتها سمر شتريدينها تصير شي اكيد تعلمت منها السفالة

خزرت احلام

امي ردت عليها-: بس على الأقل بنتي اشرف من بنتج مو حامل بجنين الله اعلم بيه من وين

من بعد هذا الكلام احلام وامي صارن  مكافش من الشعر

وياسه هم هجمت على امي ضربتها اني ماتحملت
لزمت ياسه من شعرها وشبعتها راجديات

سهر كامت  تصرخ علينا

سهر-: يمعودات المرة فقدت الوعي

اني عفت ياسة وانتبهت على ام دموع وجهها أصفر ومغمضة امي تعاطفت وياها

ام سمر -: المرة راح تموت على بنتها الله يساعدها هسة يربي بنية جانت بنصها جنها فراشة وين اختفت

سمر -: يمه خلينا نروح اني وياج نسأل الجيران بلكي أحد شافها

اني لبست جبة وشال وامي لبست عبايتها وسهر  بقت يم ام دموع رشت على وجهها قطرات مي وشوي صحت

رحنا لبيت الجيران

سمر -: خالة فدوة ماشفتي بنية لابسه فستان وردي قصير وشعرها اسود مو محجبة