( #خطوبة )
• قـال امـير المـؤمنين ؏ـلي ' عليه السلام'
خطر الدنيا يسير وحاصلها حقير 🌼
وبهجتها زور ومواهبها غرور 🌼
محدش فينا إختار غلط، الناس كلها في البدايات بتفرش الأرض ورد.
د. سعد جرامون
سمر ...
ام غيث باستهزاء -: كلبي نار موجرة اريد أروح لبغداد واتمنى اشوف علي واعرف اخباره اوف
سمر جحظت عيوني من الصدمه
وسكتت
ام غيث -: شو سكتتي!؟
حرت شنو اجاوبها
سمر-: انتي كل مرة تعايريني لان فقيرة وجاية من بيئة مو متعلمه ومثل ما تكولين همج
بس ولا مرة سويتها ووكفت ورى الباب اتصنت على كلام وخصوصيات الناس
لاسويتها ولا راح اسويها
وين الثقافه والرقي الي اربعه وعشرين ساعة خابصتني بيه من دخلتي لغرفتي كدام صديقتي وحتى الباب ما دكيتيه و هسة صدمتيني من عرفت انج خاتلة ورى الباب تتسمعين علية مثل الحرامي الي بايكله بوكه
ام غيث -: تحترمين نفسج وتحجين وياي بطريقة محترمه
اني سويت هيج حتى اكتشف حقيقتج الوسخه كدام ابني واخليه مثل مثل ما جابج باهانه وذل يطردج من البيت بنفس الطريقة
حتى يشفي غليلي منج
لان ما اتحمل تكون كنتي خدامه وبمستواج الدون
سمر -: والمطلوب مني هسة شنو!؟
ام غيث -: حاليا اني جاي ارتب لموضوع حتى اتخلص منج بس مو بسهولة أول شي اريد اعذبج ومن بعدها تبقين كم يوم تخدمين حتى اذلج واهينج وارتاح.
واشوف الوقت المناسب حتى اخبر غيث بحقيقة حبج وغرامج لعلي مااعرف شنو اسمه
و نسيت اكولج
طلعت موبايلها وفتحت التسجيل بصوتي
انصدمت بشرها ما عبالي مرة جبيرة بالعمر وتكون لهاي الدرجه حقودة علية وبدون سبب مقنع
سمر-: زين اني شنو سويتلج حتى تكرهيني لو ماخذة ابنج منج
اكول حقج تضوجين بس والله ما مفكرة هيج
وحتى ضميري يأنبني من مرات اتعارك وياج واكول مرة جبيرة بالعمر وعيب علية اتعارك وياها
وحتى من اتعارك وياج ما اتجاوز وانفذ كل شي تريدينه صدقيني مو خوف منج ومن غيث
بس اريد اخذج على كد عقلج
وارضي ربي لا اقل ولا أكثر
ام غيث-: هههه صرتي خوش تألفين حوارات عاشت ايدج
سمر-: هسة اريد اعرف انتي الي رايدته مني شنو اختصري دور الشر واحجي
ام غيث -: بسيطه مجرد اقنع ابني غيث يتزوج طليقته الأولى وحبه الأول لان هي تطلقت حاليا ومتندمه تريد ترجع إله
عكدت حواجبي وضحكت بسخرية
سمر -: هههه اي بلله اكمل الفيلم الهندي شو عجبني
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
