(#دماء)
• قـال امـير المـؤمنين ؏ـلي ´ عليه السلام ' 🖤
مَنِ اسْتحْيا مِنْ قَوْل الْحَقِ فَهُوَ أَحْمَق 🖤
هذا القلب
ليس معلقًا
ليس ثابتًا كما أدعي
إنه يطفو
فوق رائحة الماء
مثل قطعة خشبية
مثقلة .. باردة .. ووحيدة.
زياد عوض || 𝅘𝅥𝅮
سمر
بعد إصابة غيث ...
غيبوبة تخفي غيث عنا لمدة من الزمن
مدة خلتنا في جو هادىء
حياتي الي كانت مليانه مشاحنات فجأة حلّ عليها الصمت والهدوء
....
ولا اعلم ما هو شعوري في ذاك الوقت هل انا سعيدة!؟
ربما نعم وربما لا
...
ام غيث طيلة أيام الغياب كانت تبقى سهرانة للصبح تبجي تعاطفت وياها كونها أم
واسمع بكائها ونحيبها الليلي
قبل لا أكون كنتها و بيناتنا كره وخلافات اني اكون انسانه وعندي مشاعر مااتحمل اشوف شخص حزين ويبكي ويعاني وحده وابقى مكتفة ايدية
وهي خايفة اتشمت بيها
وماخذة انطباع عني فرحانه بالحال الي وصله غيث
دكيت الباب عليها بتردد واني صراع بداخلي بين اني اتجاهلها لان هي يا ما اذتني بكلامها ومااهتمت لحزني وكانت دائما تتشمت
وبين نسياني لكل شي بالوقت الحالي لأنها مو بوضع يسمح واحد يتركها لحالها هي بحاجه لواحد يوكف وياها
اسمع صوت شهكاتها ابتسمت باستغراب وكلت بداخلي ههه طلعت إنسانه وعدها مشاعر
دخلت بعد مادكيت الباب شافتني مسحت دموعها بسرعه حاولت او تصنعت أنه تكون حدية بملامحها
برزت واعتلت القساوة ملامح وجهها
ام غيث بعصبية-: اطلعي برا جاية تتشمتين بية بحالي وبحال ابني مو !؟ كله منج ومن دعاويج عليه ليل ونهار
بس لا تفرحين ابني غيث بطل و هسة يكوم على حيله
حجيت وياها بتعاطف وتساهل تقديرا لوضعها
سمر -: ان شاء الله انتي امه ادعيله يكولون دعاء الأم مستجاب
نزلت دموعها وكامت تبجي بحزن واضح عليها حب ابنها غيث المميز
ومبينه تميزه عن كل اخوته
لاحظت هذا الشي
من خلال كعدتي وياهم
...
مصباح يوم جديد
من الصبح جهزنا انفسنا اني وام غيث اجه حسين (ابن غيث )
اخذنا للمستشفى كانت رسل سابقتنا هي وامها
شفناهم سلمت على رسل وامها
بس ام غيث ماسلمت على ام رسل
ام رسل -: ماما رسل اني راح اروح للدوام ومن اطلع اجي اخذج حبيبتي على كيفج وي نفسج ادعي لابوج الله يكومه بالسلامه
ولا تبجين عليه اكيد لو يدري بحالتج هيج ماراح يقبل
أنت تقرأ
لا توجد لا في قاموس النساء
Fiksi Umum... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
