لا توجد لا في قاموس النساء

بارت 27

(#الخطر يقترب)
‏• قـال امـير المـؤمنين ؏ـلي ´ عليه السلام ' 🌼

‏إِنَّ لِأَنْفُسِكُمْ أَثْماناً فَلا تَبيعُوها إِلّا بِالْجَنَّةِ 🌼

نعم أخطأنا كثيراً ، وهناك أشياء ندمنا على فعلها ، ولكن نتعلم ونعتذر ونتغير ، لسنا بلا عيوب ولا أخطاء فلا زلنا تحت مسمى إنسان.

مالكوم إكس || 𝅘𝅥𝅮

بالمستشفى بقيت يومين

اجتني دموع وسهر واني ساكته  ماحجيت وي اي أحد حتى صديقاتي حاولن   شكد يحجن وياي بس مانطقت ولا حرف 

بيوم الي تخربطت وكعت

كنت اسمع صوت الباب يدك وصوت امي وهي تصيح   تريد أحد يفتحلها الباب يمكن حست بية هي أول وتالي ام وتحس قابل كلبها شنو حجارة

رغم كل الي سوته بس هي تحبني ولو الي سوته كسر ظهري

من وكعت هو كعد واجاني يهز بية

غيث -: هييه انتي شبيج كومي

اباوعله وبالكوة اجر النفس ماعندي طاقة احجي عيوني ذبلانه

أغمض وبالكوة افتح

يهز بية ومستنكف

شاف الدم لزم رجلي طلع الكزازة وشالني طلعني من الغرفة خلاني على القنفه

ركض   فتح الباب لامي 

ام سمر  بخوف -: بنتي وين !؟ سمر وينها

كأن   كلبها علممها  اشرلها مرتبك وهي من شافت  وضعي لطمت على صدرها واجتني تركض  

هو راح سبح وكال لأمي 

غيث بعصبية -: بدل   اللطم لبسيها خلي اخذها للمستشفى

ام سمر ببكاء-: ليش هيج اني مو كلتلك  دير بالك عليها هاي شمسوية بيها يمه سمر سودا علية شصار بيج

بعد غمضت وما حسيت بشي

ومن فتحت عيوني لكيت نفسي بالمستشفى سهر   ودموع وامي   يمي.

وكرار لازم ايدي يبجي

امي وجهها أصفر وتعبانه ودموعها على خدها 

ماحجيت شي

وبقيت هواي ساكته

.
.
.
امي بصفي تحجي وي الدكتورة

الدكتورة-: لازم تلتزم بالعلاج وبغذاءها وراحتها وتكدرون اليوم تطلعون
ومابيها غير العافية ان شاء الله
الحمد على سلامتها مرة ثانية

ام سمر-: الله يسلمج عيوني

طلعت الدكتورة ودخل غيث

باوعلي وباوع لامي

غيث -: اخذيها  اليوم يمج ترتاح وباجر  من الصبح نسافر للبصرة 

البصرة!!!