(#ندم)
• قـال امـير المـؤمنين ؏ـلي ' عليه السلام ' 💗
ععند تعاقب الشدائد تظهر فضائل الانسان 💗
إن النساء يا ولدي يعشن بالكلمة ، ويمتن من كلمة ، وكل عاقلةٍ منهن فى الأصل حمقاء ، والحمقاء منهن أعقل منك يا ولدي.
- إبن حزم الأندلسي || 𝅘𝅥𝅮
دموع
من هول الي سمعته صار كل جسمي يرجف رجلية بادن
كعدت بالكاع حضنت رجلية وضميتهم على صدري
صرت اتنفس سريع
لزمت راسي باثنين ايدية ما جاي استوعب
لا لا هذا كابوس
مو حقيقة
هذا مو سبأ الي احبه شخص ثاني
غمضت عيوني بقوة وبس الدموع تنزل منهن
سبأ بغضب-: لا تهربين من الواقع هاي حقيقتي
تقبلي انج حبيتي واحد من عصابات
انتي تورطتي باخطر شي بكل حياتج دخلتي لجحيمي وانتقامي ماكو مهرب
وانتي جاي تصعبين وتضيعين كل فرص نجاتج
ومتمسكه بية بكل غباء
انتي كشفتيلي شكد انج سهلة وبسرعه ينضحك عليج
بس هسة شفقت عليج كلش
دموع ببكاء-: سبأ الله عليك كولي انك جاي تمزح وياي
كولي كل هذا فيلم وانت تحب تسوي بية مقالب
ماكو هيج بالحقيقة
اترجاك سبأ كول هذا مقلب او اي شي
انت ليش داتحجي وكأنك عايش بفيلم هندي
ماكو هيج بواقعنا والله
سبأ بسخرية-: ههههه ماكو هههه ليش انتي وين عايشة!؟
انتي عايشة بدولة تعتبر من أخطر الدول في العالم
دموع بخوف-: وبابا شنو دخله بيك !؟ ليش تكره ابوي شنو دخله
سبأ ملامحه عبست بشر
لزمني من ايدية بقوة ودفعني على الحايط بقوة
بالكوة كتمت صرختي من الألم
كمت أشهك حطيت ايدية اثنينهم على حلكي
سبأ بغضب-: ابوج اكرهه ويكرهني بسببه تدمرت حياتي كلها
دموع ببكاء مرير-: ليش كولي ليش !؟
سبأ همس بصوت مخيف -: تريدين تعرفين مو!؟
دموع ببكاء-: اي
سبأ-: من كنت بالإعدادية ولد مراهق طايش
كنت مدلل اهلي ولان جاي من عائلة عشائرية
اهلي كلهم شيوخ وسادة
ولهذا كنت اي شي اسويه مااخاف لان اهلي هم الي يسدون الموضوع
هواي سويت اخطاء بحياتي وخصوصا بعمر المراهقة
تحرشت ببنت جيرانا
وانحل الموضوع بفصل عشائري
وغيره هواي فصول
لدرجه شيخ العشيرة تعارك وي ابوي وكاله بعد اذا ابنك سوى مصيبة ثانية ينشمر من العشيرة
ورجعت سويت حادث بالدراجة مالتي ومات طفل بسببي وكذلك انحل الموضوع بفصل عشائري
واخذت فكرة أنه مهما خطأت بحياتي اهلي وعشيرتي هم يتكفلون بحل مشاكلي
ومن ضمن المشاكل اعتديت على بنت بس هي ما كالت لأحد وانتحرت
مرات اتندم ومرات لا افرح واحس اخطائي كلها انجازات
ومشاكلي تطورت من دخلت الإعدادية
وتعرفت على مأمون وصرنا مجموعه من الشباب
كل يوم نتعارك وي طالب بالمدرسة ونبوك فلوسه وهو يسكت اذا كان فقير لان نهدده نقتله
واكو يهددون ومرات هواي نتعارك ورى مانطلع من المدرسة وكنت اني وجماعتي كل واحد يجيب وياه سجينه
وبيوم قتلت طالب تضاربنا وانجبرت اقتله
ومحد عرفني اني القاتل وانسد الموضوع
وكل هذا واني ما واكف شي بعيني عادي عندي الموضوع أول يومين ما نمت من الكوابيس
وبعدين تعودت وصار الموضوع اسهل من شربة الماي
رجعت ورى هاي الجريمه اتحرش بالمدرسات سواء كانت شابة او كبيرة بالعمر
والمدرسين كلهم كبار بالعمر وجبناء ادفعلهم رشاوي حتى ينجحوني
واي واحد منهم يرفض او يشد وياي ورى ما يطلع نضربه اني وجماعتي
كم مدرس اشتكى للمدير
والمدير كان ضعيف الشخصية وفقير وفاهي وهم هددته ودفعتله فلوس وهو سكت عن كل مشاكلي بالمدرسة
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
