أنت تقرأ

لا توجد لا في قاموس النساء

General Fiction

... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...

#عامه #قصص

بارت 16

63 6 1 
                                    

                                              

( مشاعري إلى أين تأويني!؟؟؟) 

                          
• قـال امـير المـؤمنين ؏ـلي ´ عليه السلام ' 🌼

                          
لا تقطع صديقآً حتى وان كفر 🌼

                          
.إذا كنت  تريد حبي فأحبني بذكاء فأنا فتاة لا تستدرجني الكلمات وإنما تقنعني المواقف. 

                          
مع مرور أيام قليلة  ... 

                          
مااعرف شنو الي تغير بية ! 

                          
بس من يوم إلي اعترفلي سبأ بحبه احس كل مشاعري تخربطت ودائما مشوش تفكيري 
ابقى سرحانه 
حايرة 
ضايعه  
يا ترى  أني احبه  !؟ 
حظرته من كل البرامج ومتجاهلته بس بعدني افكر بيه 
دايما على بالي 
حتى بدراستي صرت مااهتم
احتل كل تفكيري 
انام اكعد هو ببالي 
اريد أنساه وانسى الكلمه إلي كالها
مااريد احب 
مااريد اتعلق لا بسبأ ولا بغيره 
كل يوم اروح للجامعه اشوفه منتظرني بالباب يحاول يحجي وياي أني ماانطيه مجال 
مرات يجي وراي للجامعه 
وأكثر من مرة تتعارك وياه سمر 
أخير  مرة أني تعاركت وياه 

                          
.
.
.
دموع بانفعال-: انت ماعندك كرامه جاي اكولك مااحبك مااريدك عوفني 

                          
سبأ-: انتي تحبيني  لا تضحكين على نفسج واضحه ترا 

                          
دموع -: الظاهر انت الكلام ماينفع وياك اروح اشتكي احسن شي 

                          
لزمني من ايدي 

                          
سبأ بحده-: ماكو داعي اني رايح بس خليني اكولج شغلة 
أني احبج وانتي تحبيني واربعه وعشرين ساعة تفكرين بية وتراقبيني بس انتي مكابرة وجاي تأذين نفسج بهذا كتمانج 
أني مو ماعندي كرامه 
بس لأن احبج متمسك بيج 

                          
دموع-: تحبني ما تحبني مشكلتك هاي أني مالي  خلك سوالف تافهه اهم شي عندي دراستي واحترامي لثقة ابوي 
رجاءا من اليوم بعد لا تلاحكني من مكان لمكان مثل ظلي  ولا تجي للجامعه كل يوم 
ترا تعبت منك 
سبأ-: اوك بعد من اليوم ماراح تشوفين وجهي 
بس اي شي  يصير بية انتي المسؤؤلة عنه 
سواء انتحرت او متت  انتي السبب 
بسببج  كل شي راح اسوي  

                          
دموع  بنفاذ صبر -: اللهم طولج ياروح 

                          
روح للجهنم 

                          
سوالف المزعطه ماتمشي علية 

                          
عفته ومشيت سمر فرحت بية 

                          
سمر بفخر-: عاشت ايدج ريحتي كلبي 
مبين من كلامه عن الانتحار وهاي السوالف واحد هتلي ويريد يضحك عليج 
بس انتي سباعية  وما انطيتيه مجال يلعب بمشاعرج  صدمتيني الصراحه 

                          
دموع بحزن-: سمر أني يمكن حبيته 

                          
سمر بغضب-: اشش اياني واياج تعيدين هاي الكلمه 
لا توهمين نفسج بالحب 
هذا مجرد إعجاب لاتنغرين بكلامه 

                          
دموع بتردد-: اخاف يسويها صدك وينتحر لو يصير بيه شي 
أني شلون اكدر اسامح نفسي 
سمر أني مااكدر باليوم اذا مااشوفه واراقبه من بعيد 
تعودت على وجوده بحياتي 
سمر حبيته تعلقت بيه 
صرت ماانام الليل بسببه هو 
ابقى  افكر بيه حتى الدراسه مالي واهسها
لا توجد لا في قاموس النساءحيث تعيش القصص. اكتشف الآن