لا توجد لا في قاموس النساء

بارت 42

(#قتل)

• قـال امـير المـؤمنين ؏ـلي ´ عليه السلام ' 🖤

الحكمة ضالة المؤمن فخذ 🖤
الحكمة ولو كانت من اهل النفاق 🖤

‏لدي حُب جارفٌ للعزلةِ والصمتّ ، إنني أستطيعُ أن أقضيَ ساعاتٍ وأنا أحدقُ إلى النار أو البحر دونَ أن أحسَ بالحاجةِ إلى أيّ رفقة .

-  كازانتزاكيس || 𝅘𝅥𝅮

سهر

عمتي صارت عصبية وراحت تعاركت وي ياسة اني ردت أصعد لغرفتي وعمار شافني

عمار -: سهر منو وياج

دنكت راسي ردت اعوفه بس هو لزمني-: مو احجي وياج
.
سهر-: عوفني عمار كل شي صار او جاي يصير وياي بسببك انت وياسة
الخاطر الله عوفوني بحالي

عمار -: سهر اني متندم واريد اعوضج عن كل شي بدر مني
من اليوم اوعدج يوم عندج ويوم عدها

سهر بثقة عالية-: وانت لا عبالك كنت منتظرة تتكرم علية بيوم اني ماموافقة ولا اريد منك اي شي اختاريت ياسة وفضلتها علية
ماكو داعي تشفق

عمار -: حاولي تفهميني اني اريد اصحح خطأي وياج رجاءا

سهر بتعب-: عمار اني ماعاد عندي طاقة تريد تصحح خطأك صححه بعيد عني
لا تدخلني بأمورك
اذا ضميرك يأنبك روح صلي التجأ لربك توب عن معاصيك
خلي الله يغفرلك ذنوبك انت بحاجه لهاي الأمور
و بدأت بوادر اصلاحك الذاتية اولها بتأنيب الضمير
انت لازم تفهم نفسك الله يحبك ويريد يهديك لطريقه
هذا تفسير الاحساس الي جاي تحسه

عمار -: سهر اريد اتوب وارتاح واريدج تساعديني

سهر -: الله كريم

صعدت خطوات وسمعت العياط مال ياسة

ياسة بوقاحه-: ارتاحيتي الحقيرة مو !؟ امي  وابوي راح ينسجنون من وراج

سهر بتعب-: ياسة ترا مالي خلك اتكفي الشر وعوفيني امج وابوج الي سووه اليوم ماينسكت عنه
فضحوني بالجامعه كدام الناس
وشوفي شسوو بوجهي
عود عمي وسندي بالدنيا هذا
اني عرضه كشف شعري كدام الزلم
ههه شحجي وشكول

ياسة بوقاحه تخصرت وعلت صوتها بانتصار-: اي حبيبتي اني خابرتهم وبجيت وامي وابوي الله يحفظهم الي ويخليهم مايصدقون أحد يندك بية وبالذات انتي
وهم اصلا يكرهونج

سهر -: وهسة شنو الرايدته مني

ياسة -: عوفي عمار واطلبي الطلاق واطلعي من البيت اني لحد  الان كلبي مابارد اريد اكطعج بسنوني
عبالج مصطفى يهدد اهلي واني ابقى ساكته واخاف
لا عيوني لا

سهر تنهدت بنفاذ صبر-: احنا ما كان اتفاقنا هيج لا طلاق ولا اطلع  من البيت
اذا اطلع  وين اروح وانتي اهلج ما يستقبلوني