لا توجد لا في قاموس النساء

بارت ٣٨

(#زواج)
• قـال امـير المـؤمنين ؏ـلي ´ عليه السلام ' 💗

احْذروا نَاراً حَرُّهَا شدِيد وَ قعْرُهَا بَعِيد 💗

حتى لو دفنتَ الحقيقةَ تحتَ الأرض، فـ إنها سوفَ تنمو و تكبر، سوفَ تحشدُ كلَّ عواملِ الانفجار، و عندما تحينُ لحظةُ انفجارها، ستفجرُ معها كُلَّ شيء.

- إميل زولا || 𝅘𝅥𝅮

دموع

مرت أشهر قليلة...

بدأ الدوام الرسمي للجامعات

اني وجعفر داومنا   بنفس الجامعه   بس هو قسمه  و اختصاصه  يختلف عني

علاقتي بيه كلش باردة بس هو يحبني أكثر من  مرة اعترفلي
سألني اذا عندي علاقة او لا
كلتله لا حتى ما اسبب   لنفسي او اله مشاكل
سبأ من بعد التهديد والاتصال الأخير ما عرفت عنه اي شي
واطلع أكبر كذابة  اذا كلت نسيته او  ماافكر بيه
الليل كله ابقى اباوع على صوره  وماانام  الا واني دموعي على خدودي ابجي عليه

ام دموع-: اليوم اخذ منة للدكتورة عدها مراجعه الجنين تحرك

دموع بفرحه-: يا حياتي

ام   دموع -: استعجلي راح يجي  جعفر ياخذج

دموع-: بس ارتب شعري ومكياجي 

رتبت وحددت شفايفي بحمرة غامقة مااعرف كان بهذا  اليوم مودي اكشخ واتأنق

لبست تنورة قصيرة وردية وقميص نص ردن   اسود

امي من شافتني فرحت-: ما شاء الله ماماتي شنو هذا الجمال اي عفية   هيج اريدج تكشخين لجعفر وتكسبينه الج
وهو من يشوف هذا جمالج هم يضل عقل براسه

ضحكت على كلام امي 

دموع-: ماما اني ما كاشخه لجعفر
اني اكشخ   لنفسي حتى احسن من نفسيتي لا غير

سمعنا هورن سيارة

ام دموع-: يلله اطلعي

طلعت اطكطك بكعبي شافني جعفر بقى صافن

دموع -: مرحبا

جعفر  بضيق -: شنو هذا اللبس!؟

دموع رفعت تك حاجب-: شبيه !؟

جعفر -: مو كأنه  ضيق ومكشوف وبارز  انوثتج  وجمالج وضيم  الله مفاتنج

دموع بعصبية-: انت شنو قصدك اريد اعرف اني هذا لبسي

جعفر بضيق  وعصبية-: قصدي اللبس مخصر عليج مبين جسمج اي ولد يشوفج يكوم  يكفر بدينه ومايضل عقل براسه مثلي اني

ارتبكت وانحرجت وبنفس الوقت غضبت من كلامه

دموع باحراج-: ما ظاهر شي  من جسمي ويا ريت تحترمني وما تحجي هذا الكلام