(#مصعد)
• قـال امـير المـؤمنين ؏ـلي ´ عليه السلام ' 🖤
من خالف نفسه فقد غلب الشيطان 🖤
أسهل طريقة لنسيان إمرأة تحبها
هي أن تتزوجها غير ذلك ستبقى تحبها.
- دوستويفسكي || 𝅘𝅥𝅮
سمر
عرفت نية زمرد وامها
تنهدت بحسرة وهزيت ايدي شكد شفت عذاب ولوعات من غيث
بس مستحيل وهو بهاي الحالة ادعي عليه بالموت
حسين اجه وكح اني التفت إله استحيت الظاهر شافني واني اتصنت على امه وجدته وخبثهن
حسين-: سمر
سمر باحراج-: نعم
حسين -: عمي خابر هسة وطلب مني اخذج انتي وبيبي للمستشفى بسرعه
استغربت وخفت
سمر بخوف-: حسين صاير شي احجي كوللنا خلينا نكون على علم لا تسكت
حسين-: والله علمي من علمج ماادري اي شي ماكالي عمي بس طلب اجيبجن بسرعه وينها رسل كعديها حتى هم تروح ويانا
سمر-: وامك !؟
حسين-: امي ماتروح عمامي بس يشوفوها تصير مشكلة
،،
تجهزنا اني ورسل وام غيث
اما زمرد وامها تعاركن وي حسين وجرحنه بالكلام لان ماقبل يوصلهن
من اباوع لعلاقة حسين وامه كلش استغرب معقولة اكو هيج ام وابنها ولا عبالك تحسهم اثنين غربة عن بعض
زمرد -: اروح وياكم مااعوف حالتي وحدها
حسين بنفاذ صبر -: يمه بيبي وياها سمر ورسل ماعليها شي روحي انتي وعوفينا وين تريدين تروحين وياها للمستشفى
اذا شافوج عمامي غير يكلبون الدنيا
وابوي اذا كعد بسلامه وعرف بيج شنو اكوله كلنا يزعل منا
زمرد رفعت حاجبها-: اوي عيني تحب ابوك وعمامك وتخاف على مشاعرهم وليش من يشوفوني يكلبون الدنيا مو انت ابني وقفهم عند حدهم شبيك عشتو عود اني هم مثل النسوان عندي ولد
اباوع لحسين وجهه احمر وانحرج من كلام امه
بالكوة زمرد انقلعت وراحت
وصلنا للمستشفى شفت اخوان غيث كلهم فرحانين والدكتور وجهه مستبشر
نظرت لرسل وام غيث باستغراب وسؤال وهن نفس النظرة المستغربة بادلني
اخو غيث-: يمه البشارة البشارة البشارة غيث صحى من الغيبوبة وكل أموره تمام بس يبقى فد يومين بالمستشفى وبعدين نكدر نطلعه
ام غيث كامت تبجي وحطت ايدها على كلبها وكعت وركضت اني ورسل سندنا لزمت ايدي بقوة
سمر-: مو كلتلج ادعيلها والله راح بستجاب دعائج
رسل حاطه ايدها على حلكها وكاتمه عبرتها ودموع الفرح غرقت وجهها
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
