(#عزيمه )
• قـال امـير المـؤمنين ؏ـلي ´ عليه السلام ' 💗
لا تكـن ععبد غيرك ﯠقد جعلڪ الله حراً 💗
العيون والوجوه تقول لك ما لا يقال ، وتفضح ما هو خفي في النفوس.
- محمد الرطيان || 𝅘𝅥𝅮
سهر
جهزت نفسي ولبست ملابس مرتبة اشترتلي ياهم عمتي ام مصطفى
ولبست عبايتي الجديدة
كملت وباوعت لعمار الي جاي ياكل اندومي على الجرباية
خمس أكياس اندومي طبخهم بجدر وداياكل بيهم
اتنرفزت من تصرفه
سهر-: يلا كوم جهز نفسك شنو تلبس ترا تأخرنا
عمار -: مااروح
سهر-: شلون ماتروح عيب ترا الرجال عازمنا لان عرسان عشتو
شلون اروح بس العروسة
لعد وانت يالعريس!؟
شلون تخليني اروح وحدي
عمار تأفأف بضجر-: اوف اوف منج شوكت اخلص منج وارتاح
امي ومصطفى وبطه كلهم رايحين وياج
وهوواصلا ماعازمنا بس احنا عازم العائلة كلها
تنهدت بنفاذ صبر وطلعت
لا كتني عمتي داتجهز بنفسها
ام مصطفى-: لعد وينه عمار يلا تأخرنا مصطفى منتظرنا بالسيارة هو ومرته
سهر -: عمار داياكل ومايقبل يروح ومااعرف شحجي وياه شلع كلبي
عمتي رادت تشوفه وتقنعه يجي ويانا
بس هو طلع يركض للحمام يتقيأ
رحنا وراه
ام مصطفى بقلق-: سهر شبيه عمار
سهر بتعب -: اكل خمسة اندومي كلتله لا تأكل هواي موزين مايقبل
وشوفي النتيجه
سمعنا صوت مصطفى-: يلا يووم وينكم تأخرنا عيب من الرجال
طلعنا وأخذنا عمار ويانة بس مو لبيت غيث
ام مصطفى-: اني راح اخذه للمضمد وانتم روحو لغيث ماعليكم
مصطفى-: لا راح اوصلكم لبيت غيث واني اخذ عمار واذا صار زين اجيبه لبيت غيث
ام مصطفى-: لا ابني وصلني هسة لأي عيادة وانتم روحو
مصطفى-: خلي اوصل البنات لبيت غيث بالاول واني وياج ناخذه سوى وارجعكم للبيت حتى اتطمن
ام مصطفى-" سوي الي يريحك ماما
وبالفعل مصطفى أول ما وصلنا لبيت غيث وأخذ عمار وعمتي للمضمد
دخلنا لبيت غيث كلش حلو تقريبا نفس تصميم بيت مصطفى
كانت عيوني تبحث بلهفة عن سمر
استقبلتنا ام غيث أول ما سلمت على بطة
وبعدين سلمت علية من ورى خشمها
أنت تقرأ
لا توجد لا في قاموس النساء
Fiksi Umum... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
