لا توجد لا في قاموس النساء

بارت 12

١٤٤١ |🤍:
- ما بين قوية ومُتعبـة
~
‏نحوك دائمًا، أنا البوصلة وأنت يا كِل الشمال.
~
اريد ان استريح على كتفك مللت الوساده

~
• قـال امـير المـؤمنين ؏ـلي ´ عليه السلام ' 💗

الْكلام كَالدوَاءِ قلِيلُة يَنْفَعُ وَكَثِيرُهُ قَاتل 💗

~~~

عشرة أيام اداوم بالكلية وحدي !

بابا سوالي  خط

واختي منه كذلك

لأن بابا وماما دوامهم تغير وصار تضارب وي دوامنا 

اما بالنسبة لجيراننا الجدد مااعرف عنهم شي

إلى أن رجعت من الجامعه وشفت اكو هوسة يم البيت المسكون

اهل المنطقة كلهم متجمعين

واكو ناس صايرة عصبية يسبون ويغلطون على صاحب البيت السابق لأن اخذ بنته وسافر وماكاللهم على الشباب
الجدد

كان بابا وياهم وسمعته يحجي ويكوللهم عن قوانين المنطقة والإلتزام بيها

من  هاي القوانين ممنوع السكارى، ممنوع التحرش، ممنوع المشاكل و و و  يعني المعتاد

شفت من ضمنهم الولد الأسمر الطويل باوعلي دنكت راسي ودخلت للبيت

يمكن هذا نفسه الولد إلي شفته فوك السطح 

بابا دخل للبيت عصبي

ابو دموع-: لازم نبني حايط  السطح أني مامرتاح لذولي الهتلية
مو بس اني حتى اهل المنطقة معارضين وجودهم

بابا لزم موبايله وخابر  برهان ابن خالي حتى يجي يبني الحايط

بس برهان أعتذر منه لأن مشغول

ابوي حذرني  مثل ماحذر امي ومنه

بس حذرني أكثر شي أني لأن غرفتي فوك السطح

ابو دموع -: ممنوع منعاً باتاً وحده منجن تصعد فوك السطح مناه لمن نبني الحايط

بابا كان صوته عالي

ولأن هو يصيح بالحديقة  جيراننا الجدد سمعوه 

وعرضوا عليه انه هم إلي راح  يبنون الحايط

بابا وافق

بس ما ادري ليش كرههم وبالذات الولد الأسمر!!!

مرت  أيام الدوام بالجامعه  كان ممل

وكنت استحي اروح لبيت خالة سمر  لأن اسبب إحراج لسمر بما انه هي ما عايشة ببيتها

دوامي بالجامعه كان لا يخلو من المضايقات والمعاكسات من باهر 

شكد اكرهه يا اللهي

ومااعرف منين اخذ رقمي وكل يوم يدك علية