لا توجد لا في قاموس النساء

بارت 39

(#ظلم)
• قـال امـير المـؤمنين ؏ـلي ' عليه السلام ' 🖤

الحرُّ حرّ وإن مَسَّه الضُّرر 🖤
والعبد عبد وإن ساعده القَدَر 🖤

يعتقد الناس أنهم سيكونون سُعداء اذا ذهبوا للعيش في مكان آخر، لكن الأمور لا تجري بهذه الطريقة ، لأنك أينما ذهبت فستصطحب نفسك معك.

- نيل غيمان || 𝅘𝅥𝅮

سهر...

بعد ليلة زواج عمار كعدت مهمومه وتعبانه ولا كأنه كنت نايمه

فتحت عيوني ببطىء احس اجفاني ثكيلة

اسمع صوت أذان الفجر كمت وشفت

غطا علية منو غطاني واني مو من طبعي اتغطى قبل لا انام

استغربت وخرت الغطا شفت الضوى طافي واني نمت والكلوب مشتعل

توضأت وصليت

طلعت من غرفتي سويت ريوك للكل

لحد الان محد كاعد بس عمتي ام مصطفى شفتها تتوضأ

من شافتني ابتسمت وباست راسي بحنية

هاي عادة عمتي ام مصطفى كلما تشوفني كاعدة الفجر

ام مصطفى-: صباح الخير ياوجه الخير والبركة
صدقيني من يوم الي اجيتي لبيتي واني حتى صلاتي تحسنت وصارلي واهس اكعد اصلي الصبح وما امل ولا اتعاجز صرت انام اليل واني متحمسة لصلاة الفجر شوكت تصير حتى اكعد اصليها
وكل هذا يرجع فضله الج مرات الصغير هو يعلم الجبير وانتي أفضل مثال انتي احسن شي صار بحياتنا

سهر ابتسمت وبست ايدها -: انتي احسن شي صار بحياتي لولاج اني ما وصلت لهاي المرحلة

ام مصطفى-: هذا واجبي وأقل شي اسوي الج واعوضج عن كل ما سواه بيج عمار صدقيني سهر انتي تستاهلين أكثر من هذا وكل الي حصلتي عليه باجتهادج محد إله فضل عليج كل شي بزودج

راحت صلت عمتي ورجعت تريكت وياي

ام مصطفى تباوعلي شلون اكل بالكوة ابلع اللكمه غصب عني اكل وانكش تنكش بالأكل وصفنه تاخذني وصفنه تجيبني

ام مصطفى-: شبيج سهر ماتاكلين شنو مخلصتها صفنه على الأكل اكلي ماما وراج دراسة وتركيز ترا دراستج صعبة وتهد الحيل

سهر -: دا اكل

ام مصطفى تنهدت بحسرة-: ادري بيج ضايجه ومقهورة من عمار بس شسوي كوليلي انتي الي طلبتي مني وكلتيلي عادي خليهم يتزوجون

سهر بثقة عالية-: لا ماما اني لا مقهورة ولا شي
اصلا مو يمي السالفة

دخل عمار يتثاؤب شافني دنك راسه باحراج

عمار -: صباح الخير

ام مصطفى بضيق-: صباح النور

كعد عمار يتريك واني طلعت من المطبخ