لا توجد لا في قاموس النساء

بارت 46

(#اختطاف )

• قـال امـير المـؤمنين ؏ـلي ´ عليه السلام ' 🖤

الـعــيــون مـصـائــد الـشـيـطـان 🖤

سهر

طلعنا من المستشفى يجرجر بية واني احاول اتملص منه مااكدر

مصطفى بعصبية-: كافييي شبيج صرتي مثل المخبلة كافييي شسوي شسوي كوليلي شسوي احجي

كمت الطم على وجهي

صعدني بالسيارة وانطلق بيها

واني طول الطريق ابجي والطم على رجلية

مصطفى بعصبية وصراخ-: كافييييي

ضربني راجدي كلش وجعني حطيت ايدي على خدي

حامل بابن الحرام بابن مصطفى
كلمات الها صدى مزعج وقوي بعقلي
احس بقرف جسمي كله يرجف بمجرد تذكري الكارثة والمصيبة الي صارتلي بسببه

يمشي بالسيارة مرينا من بيتنا وتعديناه

بصدمه وغضب باوعتله

سهر ببكاء وتلعثم-: ووين ررجعني لعممتيي

ضرب الاستيرين مرتين بايده مثل المخبل

مشت السيارة بطريق طويل وعرفت طلعنا من البصرة

اباوعله متوتر ولزم موبايله بايد واليد  الثانية يسوق بيها

اعصابه متوترة وحائرة وكل شوي يشخط السيارة
ساعه يسوق بسرعه ساعه يسوق ببطىء
وأكثر من مرة  جان انكلبت السيارة
سيارة من ورى دعمت سيارته نزل وكام يغلط ويفشر على الولد

مصطفى بعصبية وصراخ-: أعمى ماتشوف  ابن الزماال

لزم الولد  من قميصه وكام يضرب بيه

انقهرت على الولد لان صغير وكام يبجي

الولد  ببكاء-: عمو والله ما ادري بيك لا تشتكي علية الله عليك
هاي السيارة مو مالتي اشتغل بيها

مصطفى تنفس بعمق وغمض  عيونه بتعب

الولد  بتوسل  -: عمو والله ماعندي فلوس ادفعلك امي مريضة وعندي سبع اخوات ومحد الهن وابوي ميت

مصطفى يتصنع البرود -: بعد لا  تعيدها وانتبه

طلع من جيبه المحفظه مالته

مصطفى-: هاك رقمي وهاي الك واترحم لاخوي

إنطاه ورقة ويريده يترحم لعمار وهو القاتل رغم المصيبة ابتسمت بسخرية على تفاهه وتصنع مصطفى
انسان مزيف

مصطفى  ركب السيارة وانطلق

سهر باستفزاز-: صصاير ككريم تتتصدق لروووح عممار وانت القاتتل

مصطفى خزرني  بتوعد  بقى ساكت ومااعرف وين يريد يوديني

تحولت خلال الساعات هاي الى  كتلة مشاعر باردة
جفت دموعي لا ابجي ولا أتألم كلبي مات  حرفياً
صرت من هاي اللحظه قاسية ومابقلبي رحمه حتى على نفسي
وتوعدت بداخلي انتقم منه واشوفه الويل واخليه يكره اسم سهر واليوم الي شافه بية
ما كمت   أخاف منه
ولا أخاف من اي شي
شيصير بعد أكثر من الي صار
وابن الحرام الي بداخلي اذا ماقتلته مااطلع اني سهر