لا توجد لا في قاموس النساء

بارت 41

(#أعتراف )
• قـال امـير المـؤمنين ؏ـلي ´ عليه السلام ' 🖤

مَنِ اسْتحْيا مِنْ قَوْل الْحَقِ فَهُوَ أَحْمَق 🖤

اذا اردت أن تكسب الناس إلى وجهة نظرك دون أن تسيء إليهم أو تستثير عنادهم , حاول مخلصاً أن ترى الأشياء من وجهة نظر الطرف الآخر.

ديل كارنيجي || 𝅘𝅥𝅮

سمر

بقيت بالبيت نظفت ورتبت  الهوسة  الي صارت

واندكت الباب

طلعت  بدون حجاب مع أنه غيث مانعني افتح الباب نهائيا بس مجبورة لان محد بالبيت

وتوقعتهم هم  الي رجعوا

فتحت الباب وانصدمت بعلي كدامي

لحيته وشواربه طوال وكثيفه ومامزين نهائيا
شعره كله شيب
ملابسه مبهذلة
وجهه تعبان
عبالك واحد ميت وطالع من كبره

دفعته وردت اسد الباب

فتح الباب ودخل

علي بلهفة-: سمر مشتاقلج راح اموت ارحميني تعالي خلي ننهزم

لطمت على وجهي

سمر بخوف-: عزا العزاني علي روح يمعود راح يجي غيث والله يذبحني ويذبحك بدون أدنى رحمه
ابوس  ايدك اطلع اني متزوجه
وانت متزوج مو كلتلك مالنا نصيب

علي اباوعله دموعه تجري كام يبجي بهستيريا حركاته صارت مال واحد مجنون بقبضات ايديه اثنينهم كام يضرب على راسه بقوة

حطيت ايدي على حلكي مصدومه وكاتمه عبرتي وخنكتي وكل شي يريد ينفجر

علي بصراخ-: ولج مااكدر ماكدررر غير عقلي يفهم
هذا راسي

يأشر على راسه ويضرب بيه بايده

علي -: راح اتخبل مااكدر استوعب احنا مفترقين من يوم الي تزوجتي واني ماعايش
اني ميت بغيابج سمر
ميتتت ليش ماتفهمين
ولج  ماانام اهلك نفسي بالشغل وارجع اريد احط راسي على المخدة واغفى مثل كل  هاي الناس
احسدهم والله العظيم احسدهم ليش اني ميت وعايش عيشة الموتى
لا اكدر ارتاح واعيش بدونج ولا اكدر اعوفج
كوليلي فهميني شسوي انطيني الحل

كمت  ابجي

سمر ببكاء -: اتقبل الواقع علي وروح اطلع من حياتي لا تتعبني أكثر من تعبي

كعد بالكاع يبجي وكسر كلبي

سمر بحزن مسحت دموعي وفتحت الباب

سمر-: روح علي لا يجي غيث

طلع علي وسديت الباب وراه كعدت بالكاع كمت  الطم واصرخ وابجي بصوت عالي
تهسترت واني بكلبي اصيح والله  بعدني احبه ياربي
ليش هيج صار
لا هو الي عاش حياته ولا اني
واثنينا متعلعلين