(#القاء القبض )
• قـال امـير المـؤمنين ؏ـلي ´ عليه السلام ' 🖤
تُعْرَف خساسة المرء بكثرة كلامه فيما 🖤
لا يعنيه وإخباره عما لا ُيسأل عنه 🖤
ربّما الأشياء ليست بهذا السُوء، ربّما عيناك مُرهقتان ليس إلا
- فان جوخ || 𝅘𝅥𝅮
مصطفى
سديت الخط منه اخذت علاكه العلاج من الصيدلية وطلعت
وصلت لبيتي فتحت الباب وشفت سهر. .
بالكاع فاقدة الوعي وكانت شبه ميته
وجهها شاحب وعيونها ورموشها الناعسة ذبلانات
لحظه عندي رعب ، خوف، دمار
توقفت عندي الحياة
الدنيا توكف عندي اذا اتأذت سهر او صار بيها شي
بهلع وخوف بأقل من دقائق بسيطه ركضت احتضنها بين ايدية
تسارعت نبضاتي بخوف احس أجهزة جسمي راح تنفجر
شكد اذيتها بس احبها
سهر حبي الها اقل مايتم وصفه بحب جنوني او عشق مهووس
الكل راح يتسائل كيف انسان يحب ويأذي حبيبه
بس اني اذيت الإنسانه الي حبيتها وعشقتها
علاقتي بالدين مو قوية بس تذكرت قصة هابيل وقابيل
ههه بداخل افكاري اضحك
الطريق صار بعيد لحد ما نقلتها للمستشفى وهي ميته بيدي
ماكان لازم أتركها وحدها بالبيت وهي بحالة نفسية تعبانه ومصدومه ومامستوعبة شي
والي صدمها خبر حملها
وقراري واقناعي الها بأفكاري غير المنطقية
كنت حاس راح تأذي نفسها رغم حاولت أبعد عنها كل وسائل الانتحار
واعرف راح ترجع تعيدها
بالمستشفى الدكتورة صارت عصبية-" شنو هاي جايبلي جثة حضرتك البنت منتهية
وين كنت عنها
شنو تعذيب وعنف أسري مو !؟
شنو هذا آثار الضرب
ومنو وشتعودلك
مصطفى بعصبية وصراخ-: انتي دكتورة تشوفين شغلج وانتي ساكته وزوجتي وكعت من الدرج وحامل
اذا صار بيها شي او بالجنين أحرق عليكم المستشفى
وماارحمكم
الدكتورة خافت وسحبت كلامها اجه مدير المستشفى وتشاور وياها واعتقد كاللها اني منو
لان اعرفه وهواي مساعده
انتظر على احرّ من الجمر شلون اذا صار بيها شي
شلون اذا مات طفلي ببطنها وهو الشي الوحيد الي اريده يجمعنا واضحك على نفسي وعليها
واكول نبني عائلتنا ونعيش حياتنا بسعادة ننسى كل شي
ههه تفاهه وسخافه التفكير تخليني اسخر مني
شلون اتأقلم بعد قتل عمار
شلون راح تسامحني وتعيش وياي وتحبني وتتقبلني واني كسرت كل شي بحياتها
كسرتها كسر عظيم ماينجبر
بيوم وليلة دمرت كل حياتها
ماكو شي صالح للجبر كل شي تدمر من لحظه موت عمار
اكذب على نفسي واكول نسيت
واني عايش برعب وخوف
اني انسان متحطم كاره نفسي وكل شي
بس حبها بقلبي
حبها الي دمرني
أنت تقرأ
لا توجد لا في قاموس النساء
قصص عامة... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
