(#جعفر)
• قـال امـير المـؤمنين ؏ـلي ´ عليه السلام ' 🖤
الحرُّ حرّ وإن مَسَّه الضُّرر 🖤
والعبد عبد وإن ساعده القَدَر 🖤
لا يحتاج المفكر إلى استحسان أو تصفيق ، بشرط أن يكون واثقاً من استحسانه لنفسه
- نيتشه || 𝅘𝅥𝅮
سمر
مرت أيام وسهر طلبت مني انسى موضوعها وادفنه وكأنه ولا صار شي
مااعرف على شنو ناوية شكد حجيت وياها وحاولت افهم بس هي ساكته
وسكوتها مخوفني
تبقى صافنه وتبجي فجأة
بالكوة تأكل وتشرب علاجها
غيث كل يوم يخابرني من موبايل امي ويوصيني ويحذرني
وفقدت الامل من سهر لان ساكته وكلما افتح وياها الموضوع تسكت ونتعارك
وشفتها تتأذى من اذكرها
خفت عليها وكلت لنفسي صحيح اذا اشتكت على مصطفى وين تروح
يمكن استعجلت واكتشفت أنه الواقع امرّ من أنه ندافع عن حقنا ...
سمر بصراخ-: راح تبقين ساكته وتخلين مصطفى مرتاح ومتونس بحياته
وانتي حامل بهدية اله فوكاها
لج شلون تقبلين تصيرين زوجته وعلى ذمته
هذا الشخص مجرم قاتل أخوه
زاني زنا بيج واعتدى عليج
شلون الج نفس انتي شنو من بشر
شلون فهميني لج راح اتخبل والله العظيم راح اتخبل
مااكدر استوعب حجم وكمية المصيبة هاي
ليش ساكته عنه افضحيه اشتكي عليه
سهر-: لا رد
كانت مدنكه راسها وتبجي وحاطه أيدها على بطنها تتألم
سمر بانفعال-: احجي كافي بجي كافي ضعف
سهر ببكاء وصراخ-: كافيييي ارحميني ارحمي حالي وضعفي ويتمي
جاي اكولج وافهمج كل هاي الأيام ماعندي أحد ما عندي سند
لمنو اشكي لمنووو منو يصدقني منو يوكف وياي
انتي الي لازم تصحين على نفسج وتشوفين احنا وين عايشين وشنو مجتمعنا
اني ماعايشة بدولة اوروبية حتى ادافع عن نفسي واربح قضية اغتصاب
عدنا بمجتمعنا قضية اغتصاب يعني فضيحه انفضح حتى لو كنت اني الضحية
راح انفضح واكون محط سخرية وشتيمه
محد يصدقني والكل راح يكون ضدي لاني مرأة
احنا بمجتمع ذكوري
والرجال لو تطلع عليه الف شكوى ماراح يتأثر وراح يعيش
بس اني اذا انفضح شنو يصير!؟
هاا
لزمتني من اكتافي وهزتني وتصرخ بوجهيي
سهر -: سمر كافيي ضغوط الي بية كافي علية تعبت وين اروح وين
انتحر وارتاح كوليلي شسوي
اذا فضحته وانسجن منو يبقالي ابقى بالشارع
بقيت ساكته ومصدومه هاي الحقيقة فعلا كنت منفعلة
ومتاثرة
اريد اساعدها واطفي نار قلبها بس ما كان بيدي شي
سهر كعدت بالكاع دايخه وتعبانه بطنها برزت شوي خلال الأيام الأخيرة
تقربت منها مسحت على رأسها وحضنتها-: اسفة والله
اعرف اني جاي اضغط عليج بس ولله لان قلبي محترق عليج
واريد اساعدج بش مابيدي شي
أنت تقرأ
لا توجد لا في قاموس النساء
Ficción General... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
