( وداع )
• قـال امـير المـؤمنين ؏ـلي ´ عليه السلام ' 🌼
مُداوَمة الْوَحدةِ أَسلَم مِنْ خلطةِ النَّاسِ 🌼
لا تصدقوا الكلمات اللطيفة .. خذوا الحقيقة من أفواه المواقف.
- نجيب محفوظ|| 𝅘𝅥𝅮
بعد أن أصابتني الدهشة والصدمه من قولها
دموع بشهقة-: تطلقتي!!!؟
سمر ببرود-: اي
دموع-: شلون وليش !؟
سولفتلي كل شي
ونزلت دموعها بألم وبصوت مبحوح من البجي كالت
سمر -: عافني وعفته انتهى كل شي بعد كل هذا الحب راح
دموع بنبرة حنونه وعطف-: سمورة حبيبتي لا تبجين قطعتي كلبي عليج
سمر -: تدرين شنو !؟ فوك كل هذا خالتي ام علي قاطعتنا وكل يوم الصبح تجي تدعي علية اني وامي لان علي ما هو اختفى ومحد يعرف عنه شي
واني كلبي راح يوكف من الخوف عليه ليش راح ليش
أخاف يسوي بنفسه شي
دموع-: زين هو ماخابر اهله عالاقل وكاللهم وين راح
سمر -: ماادري بس سمعت انه اجه صديقه وكاللهم علي يمه ومايريد يرجع للبيت
دموع-: لا تلومين نفسج انتي هم مظلومه
سمر -: الفراق ذبحني لا ليلي ليل ولا نهاري نهار حتى من داومت بالجامعه كنت مجبورة لان انتي طلبتي مني وحتى اشرد من كلام امي
امي موتتني اربعه وعشرين ساعة تلوم بية وباختياري
شايفه ام تتشمت ببنتها لان مطلقه
دموع-: حبيبتي لازم تكونين قوية حاولي تنسين
سمر-: مااكدر انسى
حرت شلون اواسيها
حالها يثير الشفقة ضعفانه ووجهها أصفر وعيونها ذبلانه وهالات سوداء جوى عيونها من السهر والبجي
خلص الدوام الرسمي...
سمر راحت وحدها لبيتهم فيما كان علي هو الي يجيها
تباوع للمكان الي كان يوكف بيه ينتظرها
راحت وحدها واني صعدت بسيارة الخط
تمشي سمر وحدها مطأطأة راسها للكاع وتمشي بهدوء
مشت بيةالسيارة
ومن تفكيري بسمر تذكرت سبأ
ليش اليوم مااجاني!؟
بالسيارة اني وراسي على الجامه صافنه وأفكار هواي تأخذني وتجيبني ومن أكثر هاي الأفكار كانت بسبأ
اعتقد عقلي الباطن بسرعه استجاب
وشفت شي ماعرفت افسره
سبأ ومامون وباهر كاعدين هم الثلاثة بمطعم ويضحكون
ركزت عليهم كذّبت نفسي وكلت لا مو هم
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
