لا توجد لا في قاموس النساء

بارت 31

(#جنون)
• قـال امـير المـؤمنين ؏ـلي ´ عليه السلام ' 🌼

• لا يتواضع الا من كان واثقاً بنفسة"🌼
• ولا يتكبر الا من كان عالماً بنقصة" 🌼

من بين كل مئة شخص، يوجدُ بالكاد شخص واحد يستحق أن نجادله، أما بالنسبة للآخرين، فلنتركهم يقولون ما يريدون، لأن من حق الناس أن يهذوا. 

-  شوبنهاور || 𝅘𝅥𝅮

سمر ...

رسل -: خليني احجيلج قصة بابا من الأول لان الظاهر انتي كل شي ماتعرفين عنه ولا هو حاجيلج شي

سمر -: هو احنا اصلا اي  تواصل ودي مابيناتنا مجرد نتعارك لا حاجيلي عن نفسه ولا حاجيتله عن نفسي
عايشين سوى بالإكراه

رسل بحزن-: اني اعرف طبع بابا صعب بس هو حباب وكلبه  طيب والله

سمر-: لا متفاهمين احنا ولا راح نتفاهم

رسل -: اسولفلج لو مالج خلك

سمر-: سولفي حبيبتي سولفي

رسل -: بابا متزوج هواي نسوان بس اغلبهن متعه ومطلقهن كلهن
واكو قسم تزوجهن زواج جاد بس ماكملن وياه لان مايستحملن الشك والهوس  مال النظافة الي عنده
واكيد عصبيته النار
ومن ضمنهن امي

سمر -: بلكي اكون اني من ضمن طليقاته

رسل -: ههههه ياا

سمر -: كملي عيني كملي خليني اشوف  شمصخم وي بنات العالم العربي

رسل -: هههه انتي ناسية اني بنته وتحجين  عليه كدامي

سمر-: لا تزعلين رسل بس ابوج معقد كلش وبزعني ودمر  حياتي

رسل -: الله يساعدج

سمر -: يلا سولفي بس خلي اشوف جدتج خاف تريد شي

رحت لكيتها تخابر والبيت منظفته باليل
يعني ما وراي شي

رجعت للغرفة طلعت حلويات وانطيت لرسل

وكعدت تسولفلي

رسل -: شوفي امي  تصير  بنت عم بابا
وحسين  اخوي من ابوي بس
هو من غير أم فهمتي!؟

سمر-: اها الصراحه واضح

رسل -: امي تصير بنت عمها لبابا وزوجته الثانية جدو ابوه لبابا هو لح  عليه يتزوجها يعني زواج تقليدي عادي
مابيناتهم مشاكل
لان امي كلش متدينه ومتفهمه
بس العائق كان بابا مو ملتزم وتعرفين هو يشرب ومايصلي ولا يصوم وهواي سلبيات بيه
ومن غير الضرب وهوسه بالنظافه
واكو شي غريب هم نسيت أذكره الج او بصراحه مستغربته
اني اول مافتحت عيني على  الدنيا شفت امي بغرفة وبابا بغرفة
لان طبعه مايحب أحد يشاركه بأي شي
لا بالمواعين  الي ياكلها ولا بأي شي
وكذلك الفراش والغرفة يتضايق