لا توجد لا في قاموس النساء

بارت 33

• قـال امـير المـؤمنين ؏ـلي ´ عليه السلام ' 💗

ععند تعاقب الشدائد تظهر فضائل الانسان 💗

إنّك إن تجرّأت على أن تكون مختلفاً، عليك أن تكـون مستعدّاً للمهاجمة.

- باولو كويلو || 𝅘𝅥𝅮

مصطفى

تفكيري وخيالي   المريض خلاني ارسم بمخيلتي أشياء كثيرة ومن ضمنها  سهر  الي
مااهتميت لحدود علاقتي بيها بعد ماصارت زوجه اخوي
امي   حجت وياي   وكدرت   اقنعها   إني اعتبرها   اختي
بس ماكدرت اقنع نفسي
ولا سهر   انقنعت
احبها وماكدرت   انساها
والحظ حليفي خلاها تكون ببيتي

باليوم الي نجحت بيه سهر كنت فرحان   لفرحها هي
اشوف لمعه عيونها واحس الدنيا ضحكتلي
اراقبها  وهي بالبيت حفظت كل تحركاتها
روحها بالبيت بكل مكان الها تصميم وترتيب
طبخها  وريحته
هواي أشياء سحرتني   بيها
ويوم عن يوم يزيد حبي
والشيطان يوسوسلي ويزينها كدامي
وانسى هي زوجه اخوي
لو مو زوجته  جان تزوجتها من زمان
تمنيت ماكو عندي اخ اسمه عمار
ياريت عمار مو بالوجود
ياريته يموت
كرهته وزاد كرههي كلما   اشوف سهر تدخل لغرفته
ليش هو عنده هاي النعمه واني لا
ليش  هو مامهتملها واني أتمنى رضاها أتمنى تعطف علية بنظرة وهي متجاهلتني وكارهتني
اموت قهر   وحقد وغل من عمار من يتشارك الغرفة وياها
يشوفها يمه نايمه وهو مامهتم مايعرف معنى النعمه الي عنده

والاصعب   من كل هاي المشاعر من سمعتها تحجي وي امي وتشكيلها لان عمار متعبها
ولأن مامتقربلها
مشاعري مااعرف بهذا الوقت شنو كانت !؟
حزنت لان رافس النعمه برجليه 
حلمي سهر وامنيتي كانت سهر ردت   احصلها اني
كانت ماتفارق أحلامي ولا يوم
بلحظه اكتشف حلمي صار لأخوي وهو ماراضي بيها
واني اريدها واموت قهر لان  مااكدر اخذها منه واحصلها
والشيطان وسوسلي بفكرة
هي مو ملكه سهر   ملكي اني
وهو مايريدها لان   يعرفها مو إله
يعني هي الي وحتى وان كانت   زوجه اخوي

بس امي   هي الي تدخلت ورادت تقرب عمار من سهر
باليوم الي رجعنا من المول
بقيت افتر بالبيت بعد ما الكل نام
واني سهران
مااعرف شلون وكفت قريب من باب غرفه سهر وعمار
وكفت اتسمع كلامهم

ومن سمعت صوت صرخه هجمت ماشفت نفسي الا واني اخلع الباب   وادخل عليهم

شفتها كاعدة بالزاوية تبجي
وهي متزينه احلى زينه مكياجها ولبسها. وانوثتها  الطاغية 
كل  هذا لعمار
وعمار يضرب بيها
شلون تجرأ يضربها
شلون تجرأ  يمد ايدها عليها وينزل دموعها
بعده ماانخلق الي يأذي البنت الي هي ملكي من أول يوم ولحظه   شفتها بيها

هجمت عليه بأقوى ضرب
تحولت وحش مااعرف الصح من الخطأ اريد اقتله
بداخلي وحش يكولي اقتله واتخلص منه هذا عائق بيني  وبين سهر  .
أعصابي ماكدرت اسيطر عليها صرت اضرب بيه   بكل قوتي
وهي كاعدة وتبجي ومرعوبة