لا توجد لا في قاموس النساء

بارت 11

• قـال امـير المـؤمنين ؏ـلي "عليه السلام" 💗

عليك بالشّكر في السرّاء والضّرّاء 💗

~

النصّيب للجُبناء قُم وأصْنع حرباً مِن أجّلها.

~

دموع

الاحساس السيء  والعنيف   إلي اجتاح كلبي البارحه ما عرفت اترجمه او افسره  

وبسبب هذا الإحساس السلبي تعاركت وي دانية وعليت صوتي عليها

وبعد ما سديت الخط بوجهها  اتفاجأت  بولد واكف كدامي

ولأن واكف بالظلمه عبالي جني وكل كلام اختي منه استذكرته 

وضليت اصرخ جني جني بس همزين اهلي ماسمعوا  

بقيت على اعتقاد  ان الكائن  الواكف قريب مني وبالظلام هذا جني

لحد مانطق

ومن نطق وعرفته بشر هذا الشي ما قلل  خوفي بل زاده 

ركضت لغرفتي وقفلت الباب

لفلفت جسمي بالبطانية  ونمت ارجف من الخوف

..

ثاني يوم بالكلية ادور على سمر بس ماهي

سمر ما مداومه!؟

حتى موبايل ماعدها  حتى اخابرها   واتطمن عليها

كلبي نغزني عليها ياريت تكون بخير

كان اليوم ممل بشكل لا يطاق

عندي صديقات   غير سمر   بس مو مثلها ابد

بالبريك  البنات شافني كاعدة وحدي وسمعت وحده منهن كالت خليها تولي هاي مغرورة على اساس بس هي حلوة   بالجامعه وكاعدة وحدها تستنكف تكعد ويانا

حاولت اتجاهل   وصديقتها  فشلنها  واجن   كعدن وياي

وبصراحه نقذني  لأن كل شوي يجي ولد  يضايقني 

كعدوا  بس بنات وهواي مواضيع كانت  من ضمن محاور الجمعه

أني كنت ساكته وبالي يم سمر

وحده من البنات كرصتي

دموع-: ااخ

-: ههه وين بالك ياحلو   شنو  انتي عاشكه

البنات كامو يضحكون

أني سكتت

وحده منهن سألتني 

-: دموع كولي بصراحه صدك انتي ما مرتبطه 

دموع -: مااحب الارتباط

-: ليش ماتكبلين ليش ماتحبين

ضجت من أسئلتهم  البايخه ومن هاي السوالف التعبانه