لا توجد لا في قاموس النساء

بارت 32

(#نجاح )
• قـال امـير المـؤمنين ؏ـلي ´ عليه السلام ' 💗

- اشد من البلاء شماته الاعداء 💗

من المُمكن جداً أن تكون وردة واحدة بمثابة حديقة كاملة ورائعة بالنسبة لي ، وصديق واحد يُمثل لي العالم وما فيه.

- ليو بوسكاليا || 𝅘𝅥𝅮

سهر

بعد ما خلصت الامتحانات كلها كنت متأكدة ومتيقنه أنه معدلي راح يكون ممتاز
الحماس عندي يزيد
وطموحي كبر
صار لحياتي هدف محدد
أول شي اشتغلت عليه بحياتي هو  أن اكون قوية
مااهتم
واتجاهل

خلصت فترة الامتحانات ببغداد ورجعت لبيت عيالي
اكذب اذا كلت مرتاحه او فرحانه لان راح ارجع لبيت زوجي  اني كو مثل كل بنت تفرح لان راح تشوف زوجها بعد غياب فترة
اني حالتي تختلف
مااعتبر  نفسي متزوجه
عمار بالنسبة الي لا شي
اي  علاقة مابيناتنا
ماكو شي يربطنا
لا شي
اجت عمتي ام مصطفى اخذتني
كلبي مامرتاح  مااعرف ليش
مجرد اتذكر مصطفى او اي شي يخصه احس وجوده خطر على حياتي
مااكدر اتجاها الماضي
أتمنى كلام عمتي ام مصطفى صحيح وهو أنه تربيتها لمصطفى تمنعه يرجع يلاحكني مثل قبل

وصلنا للبيت سلمت على بطه زوجه مصطفى سلام عادي علاقتي بيها سطحية مجرد سلام لا اقل ولا أكثر
بس لاحظت  وجهها مورم وعينها زرقة
وضايجه
مصطفى كان كاعد وبصفه اركيلة واولادها بحضنه
أول ما شافني سلم علية

مصطفى بخبث-: شلونج سهورة  بشري شلونج بالامتحانات

تجنبته وماحبيت احجي وياه

سهر-: من رخصتكم  اريد ارتاح بغرفتي

رحت وشفت عمار أول ماشافني عبس وجهه تفاجأ من جيتي

سهر-: شلونك

عمار-: زين

بس ذني  الكلمتين وبس

بدلت  ملابسي ونظفت  الغرفة لان كانت عبارة عن اندومي بسبب عمار

وبين ما كنت أنظف صاحتلي عمتي ام مصطفى ورحتلها

سهر-: نعم ماما

ام مصطفى-: تعالي اريد احجي وياج انتي ومصطفى

سهر   بخوف-: شكو!؟

ام مصطفى-: ماكو شي بطة راحت لأهلها وحابة   احجي وياكم أنتم الاثنين
لازم احل المشكلة الي سواها مصطفى من قبل حتى مايتكرر اي شي
وبنفس الوقت انتي تاخذين راحتج وتعيشين بدون خوف لان هو حماج وانتي عرضه ماراح يتجاوز عليج ولا يتخطى حدوده

انجمعنا بغرفة احنا الثلاثة عمار بغرفته مايدري عسى ما يحترق البيت هو ماينتبه

بالغرفة كان مصطفى يدخن وأول مادخلت اني وعمتي
عيونه كامت تدور بالغرفة بتوتر
بس بسرعه تصنع الثبات