( #حقيقة مخفية)
• قـال امـير المـؤمنين ؏ـلي ´ عليه السلام ' 🌼
مَا أقبح بِالْإِنْسَانِ بَاطِناً 🌼
عَلِيلًا وَظاهِراً جَميلًا 🌼
•فلا وِصَال لمن بالوصل قد بَخلوا
و من تناسى فإنّا قد نسيناهُ."
اول يوم الفاتحه
رحت أني واحلام طبعاً مااعرف ليش متشمته
عجيب البشر ناس تتشمت بالموت!؟
لا سمر ولا امها ولا ام علي
بعدين عرفت ام سمر وي ام علي بالمستشفى
بس سمر وين !؟
محد يعرف
اجت دموع وامها وأختها
وحتى ام عمار اجت هي وكنتها وعمار
كان من المفروض ورى عرس سمر بأسبوع تصير خطوبتي من عمار
أني ارفض وأرفض وأرجع اتوسل بعمي
كل مرة يضربني ويهيني ويكولي غصباً ماعليج تتزوجين
ام عمار من شافتني اشتغل بالفاتحه
وأكثر شي بالمطبخ
شاورت كنتها وبعدين اجتني
ام عمار-: مرأة عمج حجت وياج بخصوص عمار!؟
سهر-: اي
ام عمار-: أخذوا رأيج يعني !؟
حسيتها جاي تستفسر بطريقة غريبة وبنفس الوقت احسها خايفة أرفض
ام عمار-: زين انتي موافقة ماعندج اعتراض على ابني وحالته!؟
سهر باستغراب -: حالته!؟؟، ليش هو شبيه !؟
فجأة تدخلت احلام
احلام بتوتر-: عيوني انتي اني مو كلتلج أخذنا رأيها ووافقت بعد ليش كل شوي وسألتي!؟ شنو ماعندج ثقة بينا !؟
سألناها والبنت موافقة وان شاء الله ورى الفاتحه تصير الخطوبة
احلام خزرتني وكرصتني من زندي بمعنى اطلعي من المطبخ
بس اني بقيت واكَفة يم الباب اتسمع عليها
شنو راح تحجي وي ام عمار
ام عمار-: يعني بس قوليلي انتي وعمها كلتولها عمار احتمال يطلع عاجز ومايصير عنده أطفال
محد يكدر يتوقع او يتخيل مدى الصدمه الي جمدت كل اطرافي
من هول الي سمعته حسيت اني ما عايشة بعالم بشرية
حسيت احنا عايشين بغابة
أحلام بتوتر-: عيني كولنالها لاتخافين وبعدين هي ماصدقت واحد يجي يتزوجها ويوافق عليها
يعني عمار نفس وضعها
ام عمار-: بس شلون !؟ عالاقل هي بس محترقة
احلام-: ليش تعقدين الأمور يا عيني مو جاي اكولج البنت موافقة
وشي ثاني انتي متأكدة ابنج عاجز !؟
لو بس عقيم!؟
أنت تقرأ
لا توجد لا في قاموس النساء
Ficção Geral... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
