(#حب)
• قـال امـير المـؤمنين ؏ـلي ´ عليه السلام ' 🖤
تُعْرَف خساسة المرء بكثرة كلامه فيما 🖤
لا يعنيه وإخباره عما لا ُيسأل عنه 🖤
إِنَّ المُحِبّينَ لا يَشفِي سَقَامَهُمَا
إلَّا التَّلَاقِي فَدَاوِي القَلبَ وَاقتَرِبِي
- بشَّار بنُ بُرد || 𝅘𝅥𝅮
دموع
رحنا لبيت خالي وللصبح ما غمضلي جفن والسبب رسالة من سبأ "دموع بعدني احبج خلينا نرجع
والله اني تبت وعفت شغل العصابات "
!!!
الرسالة خلتني أفكر وانخلقت بداخلي بذرة امل
بس شعور الخوف ما غادرني
اني انسانه متشتتة بافكاري ومشاعري
وحياتي كلها ملخبطه
ليش كلما احاول التفت لحياتي ومستقبلي واستقر
يجي سبأ ويدمر كل شي
لا بوجوده راحمني ولا حتى بغيابه إلى متى راح تبقى عواطفي مستهلكه
ليش احس بالتردد والخوف بس رغم هاي المشاعر بعدني احبه
شوكت اكرهه وانساه
طلعت من الغرفة الي اني بيها ببيت خالي
سمعت صوت خالو يصلي
صلاة الفجر بالاستقبال مالتهم
خالو رجال كبير أكبر من بابا باوعتله وهو يصلي لعل النظر يشفيني من جروحي ومن متاهاتي المظلمه
محد يحس بعذابي ومحد يعرف الي احس بيه
،خلص خالو صلاة ومن شافني تفاجأ وابتسم
مسد على راسي وطلع بدون ما يكول شي
رحت توضأت وصليت وتذكرت موضوع الحجاب شلون راح من بالي بعدني ما مشترية حجاب
خلصت صلاة وحسيت براحه رغم الأفكار تتصادم بعقلي مسببتلي صداع مايفارق راسي والإرهاق الي سببه السهر والحزن على وضعي ووضع بابا
دخلت منة للاستقبال وياها ابنها
منة -: انتي هنا واني صارلي شكد ادور عليج شداتسوين
دموع -: صباح الخير كولي على الأقل
منة بتعب تنهد-: والله نسيت صباح الخير
دموع-: كنت اصلي هنا
منة عكدت حواجبها-: تصلين !؟
دموع-: اي شبيج مصدومه
منة -: لا مو مصدومه بس بصراحه تصرفاتج متناقضه وما مفهمومه
امي كالتلي تريدين تتحجبين تفاجأت
دموع-: شنو الي مامفهوم بتصرفاتي عادي ترا مو اول وحده اني اتحجب
راح اتحجب عن قناعه
منة-: ولله الموظفات الي وياج ذني داهية شلون فرن عقلج فر .. على العموم خلصي وتعالي نتريك حتى برهان وخالو يأخذونا لماما خطية وحدها
بس خالو راح يبقى يمها وبرهان يروح لشغله
دموع -: اوك بس اريد امر على السوق اشتري حجابات ضروري
منة بابتسامه-: تدللين
دموع بزعل مصطنع-: ولا تسوين نفسج انتي الكبيرة خوش !
منة-: هههه مو مشكلتي اذا انتي مبينه من خلال تصرفاتج صغيرة
ومن خلال دلال اهلج الج مبينه انتي الدلوعه واني العجيز مالتكم من ورى ابني هذا ههه حتى شيبت
وانتي بعدج كتكوته
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
