لا توجد لا في قاموس النساء

بارت 26

( #رفض قاطع )
• قـال امـير المـؤمنين ؏ـلي ´ عليه السلام ' 💗

أحسن الملوك حالاً مَن حَسُنَ عیش 🌸
الناس في عیشه، وعَمَّ رَعِیَّتَهُ بعدلِهِ 🌸

المشاعر التي تغيرت بسبب الإدراك لا تعود،
المُدرك ليس كالغاضب،
المُدرك لا يعود .. لا يعود أبداً!

- دوستويفسكي || 𝅘𝅥𝅮

غيث بصوت عالي-: ولكم زعطوطه ماكدرتولها زلم   ونسوان محد لوى زراعها من تفووه على شواربكم طفلة لعبت بيكم لعب ووجوهكم صوفرت وكل واحد بيكم مجروح وصايرلي على صفحه

تقرب مني والشرر يتطاير من عيونه

عطت   بوجهه

سمر بغضب-: وخرررر مني لا والله العظيم اكطع شرياني وانتحر
ابليكم بية بهاليل

ما اهتم لتهديداتي عيونه خناجر من نار مصوبه علية
من الخوف بالكوة واكفه على رجلية   ارجف
عمي وولده مأيدينه علية

ابو سعد-: اني   من اول ماشفتك عرفتك انت خيالها بنت اخوي مدللة ومحد   مربيها عدل

خزرت عمي قربت السجينه حيل حيل على ايدي

بكل سهولة جراها من ايدي وراد يلزم ايدي ركضت وجبت موس وجرحت اصبعي جر الموس من ايدي اصابعي انشكت وهو هم

ايدية كامت تصب دم لزمني من ذراعي واخذني للاستقبال وكال للسيد

غيث -: يلا اعقدلنا بسرعه

سمر -: مااريدك  ماااريدك عوفني بحالي أريدددد علي اريده

كمت اصرخ وابجي والسيد بقى صافن بالوجوه استأذن وراح كال حرام يعتبر إجبار هذا

طلع السيد

غيث كال لعمي جيبو غيره وبالفعل اجه واحد ثاني ومن شكله ماارتاحيتله

أول ما دخل السيد امي لزمتني دفعت وردت انهزم وصارت روحي بعلي وبس اصيح باسمه مثل المخبلة

غيث ما خلاني اطلع ضربني راجدي كدام الكل ومحد صحى ضميره ولا أحد غيرته تحركت علية

ابوي سعد اخذاه للمستشفى على مود تحاليل واخوي حسين بالشغل يتأخر

وسجاد من هذا اليوم اعتبرته مو اخوي ولا ابن امي وابوي

هو الي كان لازمني

من ضربني راجدي غيث وكعت بالكاع وطاقتي كلها نفذت

غوشت عيوني ومااعرف شلون صار العقد بس سمعه هلهولة امي وبجيتها.

هلهلت بقهر وحزن يكسر الكلب وكسرني

كنت بين وبين الفاقدة الوعي واردد علي تعال علي أريدك تعال
ودموعي  على خدودي بحضن امي كنت