لا توجد لا في قاموس النساء

بارت 29

#عشق قاتل

•• قـال امـير المـؤمنين ؏ـلي ´ عليه السلام ' 💗

أحسن الملوك حالاً مَن حَسُنَ عیش 🌸
الناس في عیشه، وعَمَّ رَعِیَّتَهُ بعدلِهِ 🌸

•لقد تعلمت الصمت من الثرثار , والتساهل
من المتعصب , واللطف من الغليظ , والأغرب من
كل هذا أنني لا اعترف بجميل هؤلاء المعلمين.

- جبران خليل جبران || 𝅘𝅥𝅮

سهر ..

سمعت احلام وياسة كلامهن كله الغاز مافهمت شي بس شكيت وتضاربت الأفكار بعقلي
نفيت كل شي سمعته مااريد ادوخ راسي
اريد اركز بدراستي 
حاولت ابعد عن تفكيري بكل شي يعكر  او يشتت تفكيري
وبالذات مصطفى والذكريات القديمه
ماراح اخلي اي شي يوكف بطريقي
راح انجح واوعد نفسي بوعد
اوعد نفسي أنه شهادة الطب راح تكون من نصيبي
المعدل العالي اني الي استحقه
مصطفى وغيره محد يكدر يثنيني
مشاعر الخوف من مصطفى لازم اتغلب عنها لازم ادفنها واقضي عليها
ليش  أخاف منه!؟
اني لازم اكون قوية حتى احمي نفسي
اني يتيمه لا ام ولا اب ولا اقارب ماعندي سند
السند هو نجاحي هو شهادتي
هو قوتي
لازم اكون قوية حتى محد يستغلني
مااريد أحد يشوف الخوف بية
مااريد احسسه اني أخاف منه
راح اكون قوية من اليوم
من اليوم راح ابني نفسي وذاتي
راح اكون سهر واسمي الكل راح يحجي عنه
البارحه كنت مجرد إنسانه عادية
بس اليوم ومن الصفر راح أبدأ
اكوّن نفسي بنفسي
واشوف منو الي يغلبني

كعدت بغرفتي اراجع دروسي بكل هدوء وتركيز
شغف الدراسة وحبها مازال مزروع بداخلي

ردت اغلق جهازي حتى مااتشتت شفت الجهاز شاشته مضوية بإسم ام دموع

رديت باستغراب وتساؤل-: الو هلو خالة شلونج شخبارج

ام دموع بنبرة قلقة-: هلو حبيبتي سهر دموع يمج كوليلها خلي ترجع كلش تأخرت وأبوها راح يجي مايقبل تتأخر

بصدمه فتحت عيوني حرت شنو اجاوب
سهر بتلعثم-: ددموع مو يمي

****

دموع

من بعد ما انضربت السيارة بالتيل مااتأذينا
بس شوية شخطات بالسيارة

دموع بعصبية -: سبأ رجعني للبيت بسرعه

سبأ-: لا رد

ساق السيارة وما حجى اي شي

دموع -: شنو هذا السلاح وشنو دايسوي بسيارتك انت ليش ساكت وين ماخذني سبأ رجعني لاهلي بسرعه

كمت  ابجي من بروده وصرت عصبية ضربته ضربات متتالية بقبضة ايدي على كتفه

دموع بعصبية-: سبأ رجعني لاهلي بسرعه والله افتح باب السيارة واشمر روحي نزلنيي