شكر خاص للكاتبه ورده لسراي على انتقاء الكلمات والسرد الرائع ❤
(#نهاية سمر)
• قـال امـير المـؤمنين ؏ـلي ´ عليه السلام ' 💚
الْحِلْمُ غِطَاءٌ سَاتِرٌ، وَالْعَقْلُ حُسَامٌ قَاطِعٌ 💚
ذاكرة الجسد 🍃:
أُحِبّه لأنّه يُحِب قوّتي ، يُحب لِسَاني الصَارِم وَعقلي الذي يُريد إدرَاك كُلّ شَيء، يُحبّني لِـ أنّي أتَعلم، لا يَخاف مِن ثَقافة النِسَاء، لِـ أنهُ رَجُل .
كان شَديد الوضوح عَلى وَجهي مِثل شامة .
"بضعة أشياء أعرفها وحدي
جعلتني أبكي
ولم أكن خائفًا
ولم أكن بائساً
لكني بكيت".
سمر
بعد مرور شهرين على وفاة دموع واحسها اليوم ميتة
انكسرت عليها انكسار ماينجبر
اذا اني صديقتها وهيج تأذيت الله يساعد اهلها
أبوها وامها الي سكنو المستشفيات يكوم واحد يوكع الثاني والحايرة بيهم الناس اقاربهم
ومنة صارت تخاف تدخل لبيت اهلها وترجف
هواي مآسي وأحزان شاركت بيها وي اهل دموع
بقو وحدهم
وكل يوم العصر يأخذني غيث الهم
اشبع قهر وارجع
..
دخلت الشهر السابع من حملي بطني كبرت وثكلت
حسين ورسل تزوجوا بعد معاناة ومشاكل بس كلش متافهمين وسعداء
رغم السعادة والاستقرار كانت ام غيث تدور حجج تفرق حسين ورسل
وتفرقني من غيث
سمر -: غيث تاخذني لبيت ابو دموع اروح اشوفهم واتطمن عليهم والله كاسرين خاطري لا ابن عدهم ولا شي
وحتى بنتهم منة ماتجيهم
والأقارب كلمن حاير بنفسه
غيث ببرود-: وانتي مسؤؤلة عليهم
سمر -: غيث خطية والله شبيك
اني من اشوفهم اشوف دموع واحسها توصيني عليهم
ماتعرف شكد اتحلم بيها
ومايمر يوم اذا ماتحلمت بيها
واليوم هم
غيث نتر-؛ بس مو من الصبح كل يوم تروحين العصر اليوم غابشة عليهم
سمر بتوسل -: اروح اساعد ام دموع واشوفهم خاف محتاجين شي
غيث -: ماتكوليلي شيحتاجون وانتي العصر يمهم البارحه
وشتساعديهم بشنو مثلا وانتي بطنج لحلكج
سمر -: داخذني يا عيني سويها لله
والله تنحسب عليك حسنات اني من اشوفهم اشوف امي وابوي احسهم هيج بالضبط
وبعد ما قنعت غيث بالكوة أخذني طلعت من البيت وشفت علي وخالتي ام علي واكفين بباب بيت اهلي
كلبي فز حتى الدمعه طفرت من عيني غفل
وصلني غيث لبيت ابو دموع بقيت يمهم ساعتين ورجع أخذني بس كلش عصبي
سمر بهدوء-: غيث بيك شي ليش منزعج
غيث نتر-: مابية شي كافي تفرفرين اكعدي وانجبي
سمر-: ماشي بس هدي نفسك على شنو عصبي
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
