(#رسل)
• قـال امـير المـؤمنين ؏ـلي ´ عليه السلام ' 🖤
تُعْرَف خساسة المرء بكثرة كلامه فيما 🖤
لا يعنيه وإخباره عما لا ُيسأل عنه 🖤
أجمل ما في التقدم بالسن أنه يجعلك تستصغر أموراً كثيرة كانت تستهلك طاقتك ومشاعرك يوماً ما، فالنضوج يجعلك تعيد ترتيب الأشياء.
- جبران خليل جبران || 𝅘𝅥𝅮
سهر
اسوء أيام حياتي قضيتها بس بفضل كرهي وحقدي لمصطفى وبفضل الأيام السيئة الي قضيتها وياه
الله منحني قوة جبارة خلتني ادرس الطب وصارلي اسم الدكتورة سهر
وهدفي بالحياة اني اكوّن نفسي بنفسي بتعبي ونتيجه اجتهادي الشخصي
ومن بعد التعب هذا الي تعبته سنين راح اتحرر من سجن مصطفى
بس كل الي محتاجته وقت وخطة تخلصني منه للأبد
اجمع فلوسي من شغلي بدون علمه
واخليهم بالبنك وبالوقت مناسب اسافر لدولة ومكان مايعرفه ولا يخطر على باله
هذا مخططي وان شاء الله اكدر انقذه
،،،
وقت الدوام بالمستشفى وكالعادة ازدحام وعدد كبير من المرضى والمراجعين
ولكن من ضمنهم كانت اكو انسانه قريبة من قلبي شفتها من بين كل الناس
شافتني والتقت انظارنا ببحر من الذكريات والمشاعر القديمه المسافرة عبر الزمن والسنين
وبلهفة احتضنتها ونزلت دموعنا احنا الاثنين
بسبب الشوق والفراق كل هاي السنين
ومن بعد كمية المشاعر والعواطف المرهفة الي خلتنا نتأثر ونبجي
سلمت على امها وابوها لدموع
وكانت امها هي المريضة مبين من وجهها الشاحب وشفايفها البيضة
دموع بحزن-: سوينا لأمي تحاليل شاكين بيها سرطان الثدي
سهر بمواساة-: مجرد شك !؟ بعدها التحاليل هسة اني اشوفهم وان شاء الله ماكو شي
ابو دموع-: بابا دموع اني راح اخذ امج بالكافتيريا قريب من المستشفى اذا تريدين ابقي وي صديقتج انتي
دموع-: صار بابا
راح ابو دموع وأخذ زوجته وياه
كعدت اني ودموع وحرنا منين نبدا نحجي
دموع بافتخار-: اني مامصدقة انتي صرتي دكتورة وحققتي حلمج كلش فخورة بيج
سهر بابتسامه لطيفة-: ههه الي يريد شي يعوف شي
وماكو نجاح يجي من عدم والي يريد يحقق حلمه وعنده طموح لو الدنيا كلها توكف ضده ماراح توقفه عن تحقيق هدفه
دموع -: صحيح كلامج
سهر -: وانتي!؟
دنكت دموع راسها بحزن
دموع -: بعد ماتخرجت صرت أدور تعيين حالي حال هواي ناس ومالكيت
سهر -: زين عوفي التعيين انتي مو انخطبتي لجعفر !؟ شنو بعدكم مامتزوجين لحد الان!؟
ليش تدورين تعيين اذا راح تتزوجين !؟
أنت تقرأ
لا توجد لا في قاموس النساء
Fiksi Umum... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
