لا توجد لا في قاموس النساء

بارت 14

• قـال امـير المـؤمنين ؏ـلي ´ عليه السلام ' 🌼

لَا خَيْرَ فِي قَوْم لَيسُوا بِنَاصِحِينَ 🌼
وَلَا يحِبونَ الناصِحِين 🌼

• فليكُن هروبكِ إليّ  دائماً..

الكتمان في الزمان والمكان الخطأ

الصمت قد لا يكون حلاً

بل يكون اول خطوات الانجراف نحو الهاوية .

باليوم إلي رحت بيه لسمر مالكيتها ببيت عم سهر.

مرت المن احجي

بنفس هذا اليوم خابرني باهر  باليل ماكدرت اخابره جوة بالبيت كدام اهلي

خابرته فوك السطح نفس الكلام

بس طلب مني نلتقي باجر

دموع -: انت شتريد مني عوفني كافي صار  بالألف مرة احظرك

باهر -: سويلي شي واحد  واني اعوفج

دموع-: مااسويلك اي شي عوفني بحالي جاي اكولك مااحبك مااطيقك شنو انت ما تحس

باهر -: ماراح اعوفج لو تموتين بس بحالة وحده

دموع -: انت ماعندك اخوات باهر حرام عليك إلي جاي تسويه بية ليش تلاحكني بالجامعه ومن ارجع  للبيت تتصل أكثر من مرة
جاي اكولك  أني مو مال علاقات ولا حب شوف  غيري

باهر -: اوك أني راح اعوفج بس بشرط باجر نلتقي بالجامعه اريد اسولف وياج شوي

دموع -: على شنو نلتقي وبشنو نسولف باهر الخاطر الله عوفني واني مسامحتك على كل شي

باهر-: بس هالمرة التقي بيج وبعد ماراح تشوفيني وعد
لأن راح انتقل لغير جامعه ولغير محافظه

دموع براحه واخيرا-: زين  ليش تريد  تلتقي بية!؟

باهر-: أني احبج وشي اكيد راح اشتاقلج لا تحرميني من خمس دقائق  وياج مجرد نكعد بالكافتيريا  اسلم عليج  واروح ومن بعدها وجهي ماراح تشوفيه

دموع -: بس توعدني وعد رجال اترجاك

باهر -: وعد

ثاني يوم داومت والتقيت  بيه وياريتني ماالتقيت

مثل  ما كال مجرد لقاء سلم علية وراح أني عبالي بس هيج وراح اتخلص من شخص متطفل وخسيس اسمه باهر
بس صار العكس تماما

رجعت للبيت وخابرني باهر مارديت  وردت احظره بس دزلي صوري ومفبركهن النذل
كمت ابجي والطم
يعني طلب مني التقي  بيه حتى يصورني ويلعب بصوري
ومو بس هيج مخلي واحد يصورنا من بعيد اني وياه

خابرته ومارد  كمت  ارجف من الخوف

بالكوة رد علية

دموع -: ليش هيج تسوي أني شمسويتلك والله العظيم حرام حراام