لا توجد لا في قاموس النساء

بارت 25

(#سر سينهي  حياتي)
• قـال امـير المـؤمنين ؏ـلي ´ عليه السلام ' 💗

لا خير فيمن يهجر اخاه من غير جرم 💗

•‏فقط في سن العشرين أدركت الحقيقة القاسية وهي أن عليّ أن أحيا بلا أحلام، سرقوا منا الماضي والحاضر والمستقبل ويكرهون أن يتركونا نعيش.

-أحمد خالد توفيق || 𝅘𝅥𝅮

سمعت صوت ابو دموع

شكد اكره هذا الإنسان أتمنى اقتله واشرب من دمه واني متأكد لو كل أنواع التعذيب اعذبه هم ماارتاح

دموع بخوف-: هذا بابا روح سبأ روح

دخلت لغرفتها  وسدت الباب

وكفت قريب اسمع أخاف شك بيها لو عرف

ابو دموع-: ليش بابا بعدج كاعدة موزين عليج السهر شكو كاعدة لهذا الوقت

دموع بتلعثم-: ااا  لا  بابا ماكو شي ردت شي انت

ابو دموع -: لا بس ردت اكولج اقفلي باب البلكونه زين ولا تصعدين فوك السطح وانتبهي لنفسج

دموع باستغراب-: ليش انتبه لنفسي
هياتني  كدامك

ابو دموع-: ميخالف بابا ميخالف تعرفين بية أخاف عليج بقيتي بس انتي ومنه تزوجت بعد

تنهدت براحه وردت اروح سمعت باب غرفتها انفتح

انداريت شفتها

دموع بصوت ناصي-: تصبح على خير

هزيت راسي ايجاباً

دخلت غرفتي خابرتها ماجاوبت صرت عصبي يطير عقلي من ماترد بسرعه كلش فاهية وغبية بس الي مصبرني عليها جمالها الكارثي

رنيت مرة ثانية كلت اذا تجاوب ازعل منها واتعارك وياها واحرك أعصابها فد  اسبوع مااحاجيها

من ثاني إتصال ردت بس صوتها غافي وحنين

دموع-: الو

ردت احجي واكول اي شي بس كل شي طار من عقلي صوتها سطرني
صوت انثوي ناعم

دموع-: الو سبأ شنو زعلت لان مارديت عليك والله جنت نايمه

حاولت ارد عليها بعصبية حتى تخاف مني واكدر  اسيطر عليها حتى اي شي اطلبه  منها تنفذه
بس

سبأ   تصنعت الحدة وكلتلها   -: شبسرعه غفيتي

دموع ببراءة ذوبت كلبي-: اسفة بعد ماانام

سبأ-: ضايج اني

دموع -: ليش بشنو مضوجتك اني قبل لا تكولي اي شي اني آسفة وبعد مااعيدها

سبأ-: اريدج لو تطيحين بيدي عشر زلم ووياهم ابوج مايكدرون يشيلوني منج

سمعت شهكتها وبسرعه  سدت الموبايل بوجهي