لا توجد لا في قاموس النساء

بارت 30

(#مفاجأة المرض)
‏• قـال امـير المـؤمنين ؏ـلي ´ عليه السلام ' 🌼

‏إِنَّ لِأَنْفُسِكُمْ أَثْماناً فَلا تَبيعُوها إِلّا بِالْجَنَّةِ 🌼

لا تتوقع أن الجميعَ لديهم نفسُ أخلاقكَ و ردودُ أفعالك، نعم الطين واحد، لكنَّ الأرواحَ تختلف.

- غابرييل غارسيا ماركيز || 𝅘𝅥𝅮

سهر

ضل بالي يم دموع هاي وين راحت وشلون تكول لامها راح اروح لسهر اشوفها وهي اصلا حتى ما مخابرتني
امها صرخت أول ما كلتلها مو عندي دموع ولا جايتني
وسدت الخط بوجههي
رجعت خابرتها ماترد ورى ساعه بقيت الوب كلبي مامرتاح

لحد الساعه اربعه العصر خابرتني منه اختها لدموع

منة بقلق-: سهر عفية اختي ماكو ماتعرفين عنها شي ماما وبابا راح يتخبلون عليها وبرهان وخالي دا يدورون ومدايلكونها
فدوة كوليلنا هي هم كالتلج وي حتروح

سهر-: والله العظيم ابد حتى  أتصال ما متصلة علية ابد لو اعرف اي شي اكوللكم على شنو ابقى ساكته

منة -: زين حبيبتي اذا خابرت او عرفتي عنها اي  شي كوليلنا وحاولي تتصلين عليها بلكي ترد  عليج احنا نتصل عليها ومتجاوبنا

سهر بتعاطف-: احاول والله وبس اعرف شي اكوللكم أكيد وانتي هم بس تحصلون خبر عنها خابريني ووافيني باخر الأخبار

منة -: ان شاء الله

بقيت اتصل على دموع وماترد 
متت من الخوف عليها

طلعت من غرفتي وكمت افتر بالصالة   وموبايلي بيدي

اتصل عليها وماتجاوب

احلام متمددة على القنفه وبتها يمها كاعدة تاكل همبركر بجشع وشراهه عبالك الأكل شارد منها ذكرتني بعمار من ياكل

احلام من شافتني متوترة واخابر

احلام-: شكو اشوفج متوترة سالمين بس لا تزاعلتي  وي عمار وجاي تتوسلين بيه يرجعج

مارديت عليها

ياسه كامت  تضحك وغصت اختنكت باللكمه

احلام بخوف-: يمه بنتي اشربي مي اشربي

وكامت تطبطب على ظهرها وتباوعلي

احلام -: عين الحاسود بيها عود ان شاء الله

ياسه تسعل بصوت عالي-: اي ماما اي   تغار مني لان حامل وهي لا مايصير عدها   أطفال لان عقيمه

رفعت حواجبي

سهر-: اعتقد من ورى الحمل صايرة غبية كلش مو اني الي  عندي عقم   عمار هو العقيم وامج اكثر وحده تعرف

احلام سكتت وياسة فشلت

دخلت   لغرفتي كعدت اقرا القرآن الكريم وادعي الله ترجع دموع لأهلها سالمه وماتتورط بشي يارب العالمين
صارت صلاة وصليت