لا توجد لا في قاموس النساء

بارت 62

• قـال امـير المـؤمنين ؏ـلي ´ عليه السلام ' 🖤

الـعــيــون مـصـائــد الـشـيـطـان 🖤

الموت الحقيقي هو أن أعلم أنك نصفي الآخر الذي لا أعيش إلا به وأن تعلم أني نصفك الآخر الذي لا تكتمل إلا به، ثم نفترق ويمضي كلٌ منا في طريقه

- شهرزاد ، الذين احببناهم ولم || 𝅘𝅥𝅮

(#نهاية دموع  #الجزء الأول  )

سمر

حسين قرر يتواصل وي عمي ابو سعد ويصالحه
وحتى  ابو علي طلب منه يتوسط حتى يخطب رسل
كل هاي الأمور تأجلت بسبب وفاة سيف ورهف 
ومن بعدها اختفاء سهر الي سبب الجميع ارباك وقلق
والكل بدأ بدور عليها لمدة يومين وسهر كأنما الكاع انشكت وبلعتها
الى ان مصطفى قرر  ،،،  يروح للقاء الدكتورة لان شاك بيها
ومن راح للأسف كانت مسافرة وبدون علم أحد
عدها بس عمام وقاطعه علاقتها بيهم
ومصطفى بكل رعونه راحلهم بسلاحه يرمي وبالكوة غيث لحكه
مع الأيام صار مصطفى يتصرف  تصرفات أشبه  بتصرفات المجانين لدرجه صرت أشفق عليه وانقهر انصدم  صدمه حياته
ومو بس صدمه وحده صدمات متتالية وحده ورى الثانية
مااعرف شنو اكول عنه بس الله عاقبه عقاب شديد
سبحانك ربي

غيث طول الوقت وياه وكلما يجيني يكول ...

الساعه تقريبا ١٢ باليل وغيث بهذا الوقت وي مصطفى السكران والي يحاول ينتحر او يروح لعمام لقاء يهدد بيهم ويرمي عليهم

دخل غيث مثقل بالهموم  على صديقه مصطفى والحال الي وصل اله

غيث بتعب-: سمر جهزيلي الحمام اريد انام تعبان

سمر-: صار

جهزتله الحمام سبح وتمدد

غيث بتعب-: مصطفى تدمر دمار

سمر -: شنو صار

.غيث -: كل يوم سكران
تدرين اليوم وهو سكران يسوق بالسيارة وانصدمت بس ربك ستر وماصار شي 
شلون تنهزم شلون تعوفه
شنو من جرأة هاي .

سمر -: تعبت وانت ماتعرف ضروفها وشلون عاشت وياه

بقى ساكت

ورى دقايق كالي -: اليوم خابرني عمج  ابو سعد

كلبي رجف  اكيد خابر على مود سالفة رسل وحسين
.باخير فترة حسين حاول يسترجع كل  علاقاته وابو سعد هو تولى الموضوع ولكى شغل لحسين  كلش زين
مبدئيا خوال رسل وامها وافقوا وحتى عمامها بقى بس غيث وامه

سمر بخوف منتظرة  رده-: غيث وانت شنو رأيك بعدك معارض زواجهم ترا حسين بدأ يشتغل وراح يشتري  بيت عمي راح يساعده وطلعلنا ورث
وانت تعرف حسين شكد فقير وحباب

بقى ساكت و صافن بوجههي يفكر

غيث-: بسيطه

وثاني يوم هم حجيت وياه وقنعته اقتنع غيث واخيرا بس ام غيث كانت  رافضة