<<<<<<<مشهد من المستقبل >>>>>>>>
كعدت الصبح لكيت نفسي كاعدة بغرفة خرابة !!
ايدية ورجلية متكتفه بحبال !
بلاستر على حلكي !
جسمي يوجعني!
أني وين ؟؟؟
أني البارحه كنت عروسة
البارحه كان يوم عرسي
خمس ثواني
وتذكرت كل شي
وكمت ابجي واصرخ عسى ولعل احد يسمعني
بس محد سمعني ولا راح يسمعني
الغرفة إلي أني متواجدة بيها
غرفة ظلمه بيها شباك جبير
استوها اشرقت الشمس
بس الشباك مقفول
حاولت اكوم بس ايدية مربوطه من ورى بحبل قوي
هاي شلون مصيبة يا ربي
اريد اطلع
بس شلون راح اطلع
حاولت ازحف للشباك
اشوف أني وين .
زحفت رجلية تزلغت وركبتي انحكت لأن الكاع صبة خشنة
واكو بالكاع بسامير ومواسه حلاقة
شعري مفتوح انترسس تراب
انتبهت لنفسي لابسة قميص نوم شفاف
وبعد معاناة وصلت للشباك
سمعت صوت عصافير
باوعت من الشباك شفت أشجار نخل
أني ببستان وبس زرع
ماكو ناس
من خوفي وتوتري
صابتني حالة هستيرية
خلتني اركع راسي بجام الشباك حتى احد يسمعني
بكل قوتي كمت اضرب راسي لحد ما طلع دم
وجع فضيع
دم ساخن من راسي على طول وجهي
حتى على عيني
الدم حجب عيني من الرؤية
بالإضافة للدوخه إلي صاحبتني
فجأة انفتح الباب و __
~~~~~~
- ݘـانت تبــچـჂ̤ فـ ڪال الۿـا : مستقوჂ̤ بيݘ لــ تنڪسـريـטּ 💙💍
*****
سمر
اعترضت مسيرنا سيارة بيها اثنين رياجيل قبل لا اشوفهم عبالي ولد جايين يتحارشون بدموع كالعادة
لأن دموع هواي تتعرض لهيج مواقف بسبب جمالها
ولأن هي مو محجبة وكانت قمه النزاكه والأنوثة وهواي صفات بيها تجذب الولد الها بداخل الجامعه او خارجها
أنت تقرأ
لا توجد لا في قاموس النساء
General Fiction... عندما ترفضك المرأة لأنها رأت فيك مايعارض مبادئها لا تتأمل منها اي قبول ! نبذة عنها :؛ ثلاث صديقات وحده تعاند امها حتى تتزوج حبيبها ابن خالتها بس امها بكل مرة يجي الولد يخطبها تطرده وتبقى البنت معاندة امها إلى أن.... البنت الثانية ترفض حماها إ...
