لا توجد لا في قاموس النساء

بارت 19

( #فراق )

• قـال امـير المـؤمنين ؏ـلي ´ عليه السلام ' 🌼

لا ذل اعظم من الـطمع 🌼

•صباح الخير
معلّقون نحنُ على حافاتِ الأشياءْ .. بلا سقوط وَ لا تحليق ، في منزلة بين المنزلتين: خارج الموت وَ الحياة ، داخل الاحتضار البطيء.

واسيني الأعرج || 𝅘𝅥𝅮

.
.
.

بعد مااديت بعض الأعمال المنزلية وي خالتي ام علي وساعدتها

العصر... رجع عمو ابو علي من شغله بس كان وجهه مايبشر بخير

توقعت أنه اكو شي سيء يخص امي بس طلعت غلطانه فيما بعد

الفضول اخذ مني مأخذ وخلاني اسافر بأفكار سلبية ومنحدرات ظلماء واهية

اخوي كرار كل شوي   يجي يسألني عن امي وابقى ساكته 

علي بعده مااجه من الشغل اخابره   ومايرد

عمو ابو علي اول مادخل وشافني نظرلي نظرة عميقة ومن هاي النظرة غرقت ببحر من الأسئلة
النظرة بيها خوف، شفقة ،سؤال

هو وخالتي حجو بانفراد لوحدهم سمعت شهكه خالتي ام علي

ومن طلعت كنت بنظراتي أسألها

بس هي مدنكه راسها ووجها أصفر ومثل الشخص الحاير الي سلموه عبأ مسؤؤلية  كبير وهو مايكدرله

سمر بتسائل-: خالة صاير شي!؟

ام علي بكلمات مبهمه ونظرات خوف-: ماكو شي

بقت أنظار عمو ابو علي وخالتي ام علي وتصرفاتهم تدك ناقوس الخطر بعقلي وبقلبي
خلتني افكر   بكل شي

فكرت بكل الأمور السيئة الا الأمر الصحيح والسيء الي راح يحل على حياتي ويدمرها 

ورى ساعه اجه علي والخبر المفرح   امي وياه

اللقاء كان بين فرح وأصوات بكاء ماانتهت الا بعد ساعات من هذا اللقاء   المؤلم

امي مبين عليها التعب ونظراتها وملامحها تبين شكد مقهورة ومحبطه  وبنفس الوقت خجلانه من علي ومن تصرفاته السلبية تجاهه

بس   كان كل هذا مؤقت !!!

ورى العشاء ...

كل احنا تحت سقف واحد ومجتمعين ببيت واحد بس كل شخص بينا أفكارها مختلفه عن الثاني

علي يفكر بفرح وانتظار ولهفه لان واخيرا امي رضت   عنا

اني الخجل والتهرب من علي صارت لعبتي

امي الي صافنه بمستقبلها ومامرتاح كلبها

ابو علي وام علي الي طول الوقت أنظارهم  متشتته  تجاهي اني وعلي