لا توجد لا في قاموس النساء

بارت 24

لاتوجد لا في قاموس النساء
*****
( #ثعابين العشق)

• قـال امـير المـؤمنين ؏ـلي ´ عليه السلام ' 💗

من امرك باصلاح نفسك 💗
فهو احق من تطيعه 💗

•إذا واصلت سرد نفس القصة الصغيرة المحزنة ، سوف تستمر في العيش في نفس الحياة الصغيرة المحزنة.

جان هوستون || 𝅘𝅥𝅮

-: شو انتي مالزمتي عدة مو مطلقة شو اشوفج تفرفرين كل يوم عد وحده من صديقاتج وذيج الأيام مخلصتها ببيت الضابط غيث

هذا السؤال او التهجم كان من إحدى نسوان المنطقة جيراننا وحده حشرية  وتتدخل وتطفل على مشاكل و  خصوصيات الناس
الكل يشكي منها
واني مو اول وحده اصير بلسانها

وخصوصا   من بعد ماتطلقت هواي ناس كامو   يحجون   علية امي من شافت هاي المرأة تحجي وياي  طردتها وتعاركت   وياها

اني ورى ماتطلقت

خابرت رجل دين يطلع بالتلفزيون وهو شرحلي شرح مفصل

" اذا طُلقت المرأة وجب عليها الاعتداد مدة معينه هذه الفترة لايجوز لها بهذه المدة أن تتزوج
"
يعني المرأة اذا طلقها زوجها مايصير تتزوج مباشرة ورى الطلاق لا يجوز لانه لازم تلزم عدة
ومن تخلص العدة يصير تتزوج
لكن

هناك استثناءات مو كل مرأة مطلقة تلزم عدة

المرأة الصغيرة -: ليش لها عدة يعني الفتاة الصغيرة التي لم تبلغ تسعة سنوات هلالية
هذا الاستثناء الأول يعني البنت يكون عمرها ثمانية مثلاً
وطُلقت 

الاستثناء الثاني-: المرأة غير المدخول بها هذي مثل حالتي يعني ماعليها عدة
لذلك ما لزمت العدة
.
.
.

>>>

ام سمر-: باجر يرجع غيث خابرني جهزي نفسج باجر يعقد عليج

سمر بغضب -: على  يا اساس !؟ اني ما موافقة لو نسيتي

ام سمر بحزم وحده-: توافقين وانتي الممنونه أحمدي ربج  هو مقتنع بوحده مطلقة وفكرية مثلج موزين موافق عليج
انتي من تطلقتي لهسة منو دك بابج!؟ محد

سمر بصراخ وهستيريا صار كل جسمي يرجف-: مااتزوج لا غيث ولا غيره

امي جرتني من شعري بقوة وضربتني راجدي

ام سمر-: اريد اشوف شلون تكسرين كلمتي!؟

سمر بصراخ-: لا لا لاااا مااريده حراام عليج ليش هيج تسوين بية

دفعتني وقفلت الباب

اخذت مني  الموبايل

بقيت يوم كامل ابجي

اجه كرار فتحلي الباب باليل لان امي نايمه

كرار  بصوت خافت -: امي نامت