Unicode
နေရောင်ပြင်းပြင်းပျပျမကျရောက်သောနေ့မှာ မက်မွန်ပင်တွေဝေနေတဲ့ ခြံဝန်းကြီးနားမှာ စကားတပြောပြောနှင့်စုဝေးနေတဲ့ လူတစ်စုရှိသည်။ ခက်လွင်လွင်ရယ်သံတစ်ခုက ကြားလိုက်ရတဲ့သူရဲ့နားထဲကို ရွှင်ပြမှုကိုဖြစ်စေသည်။ထိုရယ်သံရဲ့ပိုင်ရှင်ကတော့ ဝေကျယ်မင် ပင်။
"အဲ့တာဆိုရင်ကုန်းကျွင်းလက်ခံဖို့အတွက် မင်းတို့နှစ်ယောက်အတော်ကြိုးစားလိုက်ရပုံပဲ "
"ရှောင်ရဲ့အပြောကောင်းလို့သာ ကျွင်းကောကကျွန်တော့်ကိုလက်ခံသွားတာ"
ကျိုးရဲ့နဲ့မားဝမ်ယွမ်က သူတို့နှစ်ယောက်ရဲ့ဇာတ်လမ်းလေးအား အနှီလူနှစ်ဦးကိုဖောက်သည်ချပြောပြနေပုံရပါ၏။ထိုအခါမှတချိန်လုံး ငြိမ်ပြီးပြုံးပြုံးပဲနားထောင်နေတဲ့ ဖန့်ကျင်းဝေက ခေါင်းဆတ်ဆတ်ငြိမ့်လိုက်ကာ ပြောလာသည်။
"ဘာပဲဖြစ်ဖြစ်မင်းတို့နှစ်ယောက်အတွက် ဝမ်းသာပါတယ် ကျိုးရဲ့ကလည်း လှပတဲ့မိန်းမကောင်းလေး ၊ဝမ်ယွမ်ကလည်း လူရိုးလူကောင်းလေး လိုက်ဖက်ပါတယ် "
ကျိုးရဲ့မှာ ပြုံးကာခေါင်းငုံ့နေသည် ၊သူမ ကြည့်ရတာအနည်းငယ်တော့ရှက်နေသလိုပဲ။ကျိုးရဲ့ဘာမှမပြောပဲ ခပ်သဲ့သဲ့လေးရယ်လိုက်မိသည်။
"ဟုတ်သားပဲ မင်းတို့ကိုကျောင်းပြီးရင် ကုန်းကျွင်းကလက်ထပ်ပေးမှာလား"
"ကျွင်းကောကတော့အဲ့သလိုပြောတာပဲ..ရှောင်ရဲ့ကတော့ လက်မထပ်ချင်သေးဘူး ပြီးတော့အရင်ဆုံး ကျွန်တော်တို့ဘဝအတွက်တွေးထားရအုံးမယ်..ဒါကြောင့် အရင်စေ့စပ်ထားရင်ပဲကောင်းမလားလို့လေ "
"အဲ့တာအရမ်းကောင်းတာပေါ့ ..ဒါပေမယ့်လည်း အဲ့အချိန်အတွင်းမှာ ကုန်းကျွင်းက သူ့ရဲ့ချစ်ညီမလေးကို မင်းလက်ထဲမထည့်နိုင်တော့ဘူးဆိုရင်ရော"
မားဝမ်ယွမ်တစ်ခုခုပြောမည်အပြု ကျိုးရဲ့က လွတ်လွတ်လပ်လပ်ပေါ့ပေါ့ပါးပါးပဲပြောလာသည်။
"စိတ်မပူပါနဲ့ အဲ့ကျရင် ရှောင်မားကို ကျွန်မကခိုးပြေးမှာပေါ့ "
ESTÁS LEYENDO
𝗘𝘁𝗲𝗿𝗻𝗮𝗹 𝗟𝗼𝘃𝗲我会永远爱你 (Complete)
Fanfic__ဘဝဆက်တိုင်း ကျွန်တော့်ကိုချစ်ပေးတဲ့ခင်ဗျားနဲ့တွေ့ဆုံရပြီး ခင်ဗျားနားမှာပဲ ကျန်ရှိတဲ့သက်တမ်းကို ကုန်ဆုံးချင်တယ် ။ ခင်ဗျားပြောခဲ့သလိုပေါ့ 'မင်းဘယ်ချိန်ရောက်လာမလဲ ဘယ်လိုရောက်လာမလဲ ငါမသိပေမယ့် မင်းသေချာပေါက် ပြန်ရောက်လာမယ်ဆိုတာ ငါသိတယ်'ဆိုတာကိုပေါ့...
