*Unicode*
ခြောက်လကျော်လောက်သာ ရှိအုံးမဲ့ ကလေးငယ်ကို နိုင်ငံခြားကနေ မြန်မာပြည်ထိ ထွေးပိုက်ပြန်လာတဲ့ လွှာဟာ ဘယ်အကြောင်းကိစ္စတွေများ ရှိနေနိုင်လောက်လဲ။
" ဒီး.... "
အိမ်ရှေ့အဝင်အဝမှာတင် မတ်တပ်ရပ်အနေအထားတွေဟာ တော်တော်လေး အကျည်းတန်တဲ့ ဆေးချက်တွေလိုပဲ။
ယင်းကတော့ ဘာစကားမှ ထပ်မပြောနိုင်။ ဒီးအမည်ကိုသာ ခေါ်ပြီး စိတ်ထဲတော့ ချောက်ကမ်းပါး အစွန်းမှာ ကူကယ်ရာမဲ့နေတဲ့ လူလို။
" ကို လွှာ့ကို မမေ့ဘူးမလားဟင်... "
" လာ အိမ်ထဲ အရင်ဝင်ကြရအောင် "
ဒီးရဲ့ အိမ်ထဲခေါ်သွင်းခြင်းနောက်မှာတော့ အစောကလေးတင် ဒီဆိုဖာတွေပေါ်မှာ ကြည်နူးနေခဲ့သမျှက တဟုန်ချင်းပဲ မီးတွေလို ပူလာသည်။
" ယင်း ဘယ်သွားမှာလဲ၊ ဒီမှာလာထိုင် ကိုယ်နဲ့ "
မလိုအပ်လောက်ဘူး ထင်လို့ အခန်းထဲ ဝင်နေမယ် တွေးပေမဲ့ အနားလာထိုင်ခိုင်းတော့လည်း မျက်နှာချင်းဆိုင်က လွှာဆိုတဲ့ အမျိုးသမီးကိုသာ စိုက်ကြည့်နေလိုက်သည်။
" လွှာ မင်းက နိုင်ငံခြားမှာမဟုတ်လား၊ ဘယ်လိုဖြစ်တာလဲ "
" ကို...ဒါလွှာ့ရဲ့ ကလေးပါ နောက်ပြီး... "
လွှာဆိုတဲ့ အမျိုးသမီးရဲ့ ထပ်ထွက်လာမဲ့ စကားတွေကြားမှာ ယင်းရဲ့ လက်သီးတွေဟာ အကျစ်သား။ ဆက်ပြော၊ ဆက်ပြောစမ်းပါအုံး။
" လွှာတောင်းပန်ပါတယ်နော်၊ ကို့ကိုထားခဲ့မိလို့... "
လွှာဟာ ဘယ်စကားတွေကို ဘယ်လိုဦးတည်ပြောချင်နေသလဲ သူမသိတော့။ ရုတ်တရက်ထားသွားခြင်းအတွက် တောင်းပန်နေပေမဲ့ ပြီးသွားတဲ့ အချိန်တွေကို ပြန်တွေး ပြန်ခံစားဖို့ စိတ်ကူးမရှိတော့ပါ။ သူ့ဘေး ယင်းတစ်ယောက်လုံးရှိနေခဲ့ပြီပဲ။
" ရတယ်၊ အဲ့ကိစ္စတွေ ကိုယ်အတွေးထဲ မရှိတော့ဘူးလွှာ၊ လိုရင်းသာ ပြောရအောင်၊ ဘယ်လိုဖြစ်ပြီး ဒီပြန်ရောက်လာတာလဲ ကလေးကကော "
အိပ်ပျော်သွားပြီဖြစ်တဲ့ ကလေးမကို မေးငေါ့ပြတော့ လွှာဟာ အငိုမရပ်တော့။ ဘာတွေဒီလောက်ဖြစ်နေရတာလဲ။
YOU ARE READING
နွယ်ရှင် {Complete}
Romanceအိမ်လေးတစ်အိမ်ရှိမယ်ဆို ဒါဟာ ချစ်ခြင်းမေတ္တာနွယ်ကြိုးရှင်တွေ ရစ်တွယ်နေမဲ့ ဒီးနဲ့ ယင်းတို့ရဲ့ အသိုက်အမြုံငယ်လေး ဖြစ်နေပါလိမ့်မယ်။ အိမ္ေလးတစ္အိမ္႐ွိမယ္ဆို ဒါဟာ ခ်စ္ျခင္းေမတၱာႏြယ္ႀကိဳး႐ွင္ေတြ ရစ္တြယ္ေနမဲ့ ဒီးနဲ႔ ယင္းတို႔ရဲ႕ အသိုက္အျမဳံငယ္ေလး ျဖစ္ေန...
