*Unicode*
ပုံမှန်နိုးလာတဲ့ မနက်ခင်းတွေတိုင်း တိတ်ဆိတ်လွန်းတဲ့ အိမ်ကြီးထဲ သူအမြဲစိတ်ပျက်နေခဲ့တာ။ ဒီတခါတော့ အဲ့လိုမဟုတ်။ တတ်ကြွနေမိသည်။
ခုထိ နိုးပုံမရသေးတဲ့ ကောင်လေးကို သွားနိုးရမည်။ သူလုပ်ကျွေးတဲ့ မနက်စာကို အားရပါးရစားနေတာ ထိုင်ကြည့်ရအုံးမည်။ သတ်သေမယ်ထင်လို့ အော်ဆဲတာပါ ဆိုတဲ့ သူစိမ်းကောင်လေး အတွက်လေ... စိတ်လှုပ်ရှားနေတယ်တဲ့။
ဒေါက်...ဒေါက်...
" ကောင်လေး ... ကောင်လေး မနိုးသေးဘူးလား၊ ဝင်လာပြီနော် "
" အင့် ဟင်းးးး "
" ကောင်လေး ဘာဖြစ်... "
စောင်ပုံထဲကွေးကွေးလေးနဲ့ ညည်းနေတဲ့ အသံတွေကြောင့် နဖူးစမ်းကြည့်တော့ ပူခြစ်နေတာပဲ။ အနာကြောင့်ဖျားသွားပုံရသည်။ တစ်ညလုံးဘယ်လိုများ နေခဲ့ရမလဲ။
" ကောင်လေး သတိထားအုံးလေ၊ ထ ရေပတ်တိုက်ရမယ် "
" ဟင်းးး အိမ်ပြန် ပို့ ပေး "
" ရမလားကွာ လာ ထိုင်အုံး၊ ကိုယ်ပူကျအောင် အရင်လုပ်ရမယ် "
" ဖယ် မထိနဲ့၊ အိမ်ပြန်ပို့ပေး လို့... "
" ဒီလောက်ပူခြစ်နေတာ ဘာတွေ ခေါင်းကြောမာနေတာလဲ ဟမ် "
အတင်းကို ကုတင်ပေါ်က ဆင်းပြီးအိမ်ပြန်မယ်လုပ်နေသည်။ လူကြည့်တော့ တစ်ချက်တွန်းလိုက်ရုံနဲ့ ခွေခေါက်သွားနိုင်သည်ကို။
အသံမာမာနဲ့ ပြောလိုက်တော့လည်း ငုတ်တုတ်ထိုင်နေရင်း ငြိမ်ကျသွားပြန်သည်။ ရေပတ်တိုက်ဖို့ အဝတ်နဲ့ရေသာ အပြေးယူရတော့သည်။
" ချွတ် အင်္ကျီကို၊ လက်မြှောက်အုံး "
" ..... "
" ကောင်လေး ခေါင်းမာတာ နေရာတိုင်းမကောင်းဘူးနော်၊ ခုချွတ် အင်္ကျီကို "
သိလိုက်ပါပြီ။ လေသံကို ပုံမှန်ထက်သုံးဆလောက် မြှင့်ပြောမှ လိုက်လုပ်သည်။ ခုထိ ခေါင်းကိုအောက်စိုက်ထားတုန်း။
" လိုလို့လား ဟမ်၊ ရေတွေနဲ့ လျှောက်ပွတ်နေတာ အရူးပဲ "
" စကားမပြောနဲ့ ငြိမ်ငြိမ်နေ၊ အင်္ကျီနောက်တစ်ထည် သွားယူအုံးမယ်၊ စောင်ထဲကွေးနေ "
YOU ARE READING
နွယ်ရှင် {Complete}
Romanceအိမ်လေးတစ်အိမ်ရှိမယ်ဆို ဒါဟာ ချစ်ခြင်းမေတ္တာနွယ်ကြိုးရှင်တွေ ရစ်တွယ်နေမဲ့ ဒီးနဲ့ ယင်းတို့ရဲ့ အသိုက်အမြုံငယ်လေး ဖြစ်နေပါလိမ့်မယ်။ အိမ္ေလးတစ္အိမ္႐ွိမယ္ဆို ဒါဟာ ခ်စ္ျခင္းေမတၱာႏြယ္ႀကိဳး႐ွင္ေတြ ရစ္တြယ္ေနမဲ့ ဒီးနဲ႔ ယင္းတို႔ရဲ႕ အသိုက္အျမဳံငယ္ေလး ျဖစ္ေန...