*Unicode*
သိပ်အသက်မဝင်တဲ့ ဇာတ်ဝင်ခန်းလေးတစ်ပုဒ်။ ဝိုးတိုးဝါးတားနဲ့ လူသုံးယောက်ကြားမှာ အက်ကြောင်းတွေ ထပ်နေတာ အထင်းသား မြင်နေရသည်။
" မပေါင်းဘူး ကွာမယ်၊ ဒီလိုလူ့တရိစ္ဆာန်နဲ့ ဆက်မပေါင်းနိုင်တော့ဘူး၊ မိန်းမဘယ်နှစ်ယောက်နဲ့များ ရှင် ဖောက်ပြန်ခဲ့ပြီးပြီလဲ ဟမ်"
" ကွာလိုက် သွား၊ ခုချက်ချင်းငါ့အိမ်ပေါ်ကဆင်း "
" ဆင်းမှာ တစ်စက္ကန့်မှ မနေဘူး၊ လာ သား သွားရအောင် "
" အီးး ဟီးးး ဟင့်အင်း မေ "
" ဒီကလေးကတော့၊ လာ သွားမယ် "
" ဖယ် ငါ့သားကို ငါခေါ်ထားမယ်၊ မင်းတစ်ယောက်ထဲ ငါ့အိမ်ပေါ်ကဆင်းသွား"
" သား နက္ခတ်၊ လာကွာ မေ့ဆီ "
" ဟင့် အီးးး ဖေဖေ "
ကြားက ကလေးငယ်ဟာ အော်ဟစ်ငိုယိုနေပြီး အမေနဲ့ အဖေ့ရဲ့ လက်နှစ်ဖက်လုံးကို အတူဆွဲကိုင်ထားပေမဲ့ ပြတ်သားလွန်းနေတဲ့ မိခင်ဟာ ကလေးငယ်ကို မြန်မြန်ဆန်ဆန် လက်တွဲဖြုတ်ခဲ့သည်။
" အို နေခဲ့ နေခဲ့၊ ဒီအဖေနဲ့ ဒီသား နေသာနေခဲ့တော့ "
" မေ မေ့...."
ဖြုတ်ချသွားတဲ့ နွေးထွေးတဲ့ လက်တစ်စုံဟာ ဘဝထဲကပါ အပြီးတိုင် ထွက်သွားတာ ဖြစ်ကြောင်း ပခုံးကို လာထွေးဆုပ်တဲ့ အဖေ့လက်ဖဝါးတွေဟာ သက်သေပြခဲ့သည်။
လှမ်းဖမ်းဆုပ်လို့ မရပြန်တော့တာ သိတဲ့အခါ ဪ ဒါဟာ အိမ်မက်ဆိုးတွေ...။
" ကို...ကိုရေ "
" လွှာ "
ခန္ဓာကိုယ်ကို လှုပ်ကိုင် နိုးခံလိုက်ရတဲ့အခါ ဝါးတားတားမြင်ကွင်းရှေ့ ပေါ်လာသူဟာ သူ့မိန်းမလှလေး။
" အိမ်မက်တွေ မက်နေပြန်ပြီလား၊ အရေးမပါတာတွေ မတွေးနဲ့ဆိုကွာ "
" ......... "
တစ်ခနလောက် ငေးငိုင်သွားရင်း လွှာ့ရဲ့ စိတ်အလိုမကျတဲ့ အကြည့်တွေကြားမှာ အရေးမပါတဲ့ သူ့ဘဝဇာတ်ကြောင်းဟာတော့ အသံတိတ် ကြေကွဲပြနေလေရဲ့။
YOU ARE READING
နွယ်ရှင် {Complete}
Romanceအိမ်လေးတစ်အိမ်ရှိမယ်ဆို ဒါဟာ ချစ်ခြင်းမေတ္တာနွယ်ကြိုးရှင်တွေ ရစ်တွယ်နေမဲ့ ဒီးနဲ့ ယင်းတို့ရဲ့ အသိုက်အမြုံငယ်လေး ဖြစ်နေပါလိမ့်မယ်။ အိမ္ေလးတစ္အိမ္႐ွိမယ္ဆို ဒါဟာ ခ်စ္ျခင္းေမတၱာႏြယ္ႀကိဳး႐ွင္ေတြ ရစ္တြယ္ေနမဲ့ ဒီးနဲ႔ ယင္းတို႔ရဲ႕ အသိုက္အျမဳံငယ္ေလး ျဖစ္ေန...