*Unicode*
" ခင်များကလေ အရမ်းမဖက်... "
" နက္ခတ် "
" ဟင်... အဖေ...."
" ဒါဘယ်လိုဖြစ်ကြတာလဲ "
ပူးကပ်နေတဲ့ ခန္ဓာကိုယ်တွေက ဒီးအဖေရဲ့ တအံ့တဩ ခေါ်သံကြောင့် ပျာပျာသလဲ ထပ်ဖယ်ခွာရပြန်သည်။ တအံတဩနဲ့ ဒီး ယင်းကိုယ်ငယ်ကို သူ့နောက်ပို့ထားမိသည်။
" အဖေ ဘယ်လိုလုပ်ရောက်လာတာလဲ "
" လမ်းကြုံတာနဲ့ပဲ နက္ခတ်၊ ဒါနဲ့ ယင်းညှို့ရာ ဒီကောင်လေးရှိနေမယ်တော့ မထင်ထားဘူး "
" အင်း ကျွန်တော် ကုမ္ပဏီဆီ ခေါ်လာခဲ့တာ "
အေးအေးလူလူ ဦးကောင်းနက္ခတ်က ဆိုဖာမှာ ခြေချိတ်ရင်း ဝင်ထိုင်သည်။ ဒီးကပါ အလိုက်တသိ ဖုန်းကောလ်နဲ့ ကော်ဖီလှမ်းမှာပြီး ယင်းကို အဖေ့ရှေ့မှာ ထိုင်စေသည်။ သူနဲ့အတူတူ။
ပါးစောင်ကို လျှာနဲ့ ခနခနထိုးနေတော့တဲ့ ယင်းက အခန်းတွင်းက လေထုကို စဖြိုသည်။
" အတော်ပဲ၊ ကျနော်လည်း ဦးလေးကို မေးချင်နေတာရှိတယ် "
'" ယင်း ဘာကိုလဲ... "
" ပြောစရာရှိတာပြောပါ "
ကြားဖျက်ကြေညာလေးတစ်ခု။ ဒီးအဖေ မတွေ့ရတဲ့ ရက်တွေအတွင်း ပိုအိုသွားသည်။
" ယင်းညှို့ရာ နက္ခတ်နဲ့ နေရတာ အဆင်ပြေလား သား... "
" ပြေတယ် ဦးလေး၊ ကျနော်မေးမှာက "
" ပြောလေ "
" ကျွန်တော့်မိဘတွေရဲ့ အုတ်ဂူတွေဘာတွေများ ရှိသေးလားလို့ "
ကောက်ခါငင်ခါ ထမေးတဲ့ ယင်းကြောင့် ဘေးက ဒီးအံဩရပြန်သည်။ သူ့ကလေးငယ်စိတ်ထဲ ဒါတွေ ရှိနေလောက်မှန်း သိပေမဲ့ မျက်နှာသေနဲ့ မေးလာနိုင်မယ်တော့ သူမထင်ထားတာအမှန်။
" အဲ့လိုမျိုးတော့ မရှိဘူးလေ၊ ဒီလိုပဲ မီးသဂြိုဟ်လိုက်တာ၊ အုတ်ဂူတွေဘာတွေ မလုပ်ထားဘူး သား "
" အော်....အင်းပေါ့ "
ကဲ...မရှိဘူးဆိုတော့လည်း မရှိဘူးပေါ့။ ဒီဘဝမှာတော့ အဖေ အမေဆိုသူတွေနဲ့ တွေ့ဆုံဖို့ ကံကိုပါမလာခဲ့တာ ဖြစ်လိမ့်မယ်။ ဒါပေမဲ့ သူ့ဘေးမှာ ဒီးရှိနေပြီပဲ။ မပူတော့ပါဘူးလေ။
YOU ARE READING
နွယ်ရှင် {Complete}
Roman d'amourအိမ်လေးတစ်အိမ်ရှိမယ်ဆို ဒါဟာ ချစ်ခြင်းမေတ္တာနွယ်ကြိုးရှင်တွေ ရစ်တွယ်နေမဲ့ ဒီးနဲ့ ယင်းတို့ရဲ့ အသိုက်အမြုံငယ်လေး ဖြစ်နေပါလိမ့်မယ်။ အိမ္ေလးတစ္အိမ္႐ွိမယ္ဆို ဒါဟာ ခ်စ္ျခင္းေမတၱာႏြယ္ႀကိဳး႐ွင္ေတြ ရစ္တြယ္ေနမဲ့ ဒီးနဲ႔ ယင္းတို႔ရဲ႕ အသိုက္အျမဳံငယ္ေလး ျဖစ္ေန...