*Unicode*
ချစ်ရသူနဲ့အတူ နိုးထလာတဲ့ မနက်ခင်းတွေဟာ ကြည်နူးစရာကောင်းကြောင်း သူသိနားလည်လာပေမဲ့ ဒီတခါတော့ လုံးဝမတွေးမိချေ...တစ်ဖက်ဒီးအခန်းထဲ ရှိနေမဲ့လူကို တွေးမြင်လိုက်ရင် အသဲတယားယား။
ခုထိအိပ်ပျော်နေတဲ့ ဒီးမျက်နှာဆီ ကြည့်မိတော့ ဒေါသတွေအစား တစ်ခနအတွင်း နမ်းချင်စိတ်တွေ နေရာယူလာရပြီ။
" အ့! ဒီး "
" အနမ်းသူခိုး မိပါပြီဗျို့... "
" ဟားးဟားး လွှတ်အုံး၊ အသက်ရှုကြပ်တယ် "
အတင်းကာရော ရင်ခွင်ထဲ ဆွဲသွင်းတာက အဆန်းမဟုတ်ပေမဲ့ ခြေထောက်တွေနဲ့ပါ ခွပြီး ချုပ်ထားမှတော့ ကောက်ညှင်းထုတ်လို ရင်ခွင်ကျယ်ထဲ မလူးသာ မလွန့်သာ...မြင်စေချင်လိုက်တာ ဟိုမိန်းမကို။
" ထတော့မယ်လေ ဒီး "
" နေပါအုံး၊ ခုဒီက ထသွားရင် လူကြီးလူကောင်းလို စကားတွေ ပြောရအုံးမှာ "
" ဘာခက်လဲ၊ ပြန်လွှတ်ရုံပဲ တွေးထားပြီးသား "
" ဟုတ်ပါ့ကွာ၊ ကလေးသဘော "
" လွှတ်တော့ "
" ထ မျက်နှာသစ် အဝတ်အစားလဲမယ်"
" ဟုတ်! "
ဘာတွေဖြစ်နေ ဖြစ်နေ ချစ်ရမဲ့ အချိန်မှာတော့ ချစ်ကြည်နူးရမှာပဲ။ တစ်ပဲသားမှ မလျော့နိုင်ပါ။ ဒီးကို သူပိုင်တယ်။
ဒေါက်...ဒေါက်...
" ကိုရေ နိုးပြီလား၊ ကို "
ဘာလဲ ဒီမိန်းမ။ မျက်နှာသစ် သန့်ရှင်းနေရင်း တန်းလန်း တံခါးလာခေါက်နေသည်။ စည်းမရှိလိုက်တာ လွန်ပါလေရော။
" ခန ယင်း၊ ကိုယ်သွားလိုက်မယ် "
သွားတိုက်ဆဲ ဒီးမှာလည်း အူကြောင်ကြောင်။ ယင်းမျက်နှာတစ်ချက်ကြည့်ပြီး ထွက်တွေ့ဖို့ လုပ်တော့...
" နေ နေ! ကျွန်တော်သွားမယ်၊ ဒီး လုပ်စရာရှိတာဆက်လုပ် "
ယင်းရဲ့ လုပ်ပြုံးကြီးနဲ့ ပြောတော့ လက်ခံလိုက်တဲ့ ဒီး။ တခါတလေ ယင်းရဲ့ လူမှုရေးနားမလည်မှုတွေက ဒီလိုနေရာတွေဆိုရင်တော့ဖြင့် အသုံးဝင်နိုင်ကောင်းပါရဲ့။
YOU ARE READING
နွယ်ရှင် {Complete}
Roman d'amourအိမ်လေးတစ်အိမ်ရှိမယ်ဆို ဒါဟာ ချစ်ခြင်းမေတ္တာနွယ်ကြိုးရှင်တွေ ရစ်တွယ်နေမဲ့ ဒီးနဲ့ ယင်းတို့ရဲ့ အသိုက်အမြုံငယ်လေး ဖြစ်နေပါလိမ့်မယ်။ အိမ္ေလးတစ္အိမ္႐ွိမယ္ဆို ဒါဟာ ခ်စ္ျခင္းေမတၱာႏြယ္ႀကိဳး႐ွင္ေတြ ရစ္တြယ္ေနမဲ့ ဒီးနဲ႔ ယင္းတို႔ရဲ႕ အသိုက္အျမဳံငယ္ေလး ျဖစ္ေန...