*Unicode*
" ကိုယ်တို့အတူတူ နေကြရအောင် ယင်း "
" ........... "
" ဘာစကားတွေပြောပြန် အင့်! "
ငုတ်တုတ်ထိုင်နေရက်သား ကိုယ်လေးကို ဒီး လှဲလျက် သူ့ကိုယ်ပေါ် ဆွဲတင်လိုက်သည်။ ခြေကားလက်ကားနဲ့ သူ့ကိုယ်ပေါ်က ယင်းက ပိုပြီးများ ဒေါသထွက်သွားသလားလို့....
" နာတယ်လို့! "
" ဟုတ်ပါပြီ ကိုယ်သိတယ် နာတာ "
" ......... "
" ဟက် စတာ စတာ၊ ကိုယ်စတာပါကွာ၊ မျက်စောင်းတွေကြီး ဇွတ်ထိုးနေတာ မျက်စိတွေနာသွားပါအုံးမယ် ယင်းရယ် "
ရယ်ပြီး ပြောနေပြန်တဲ့ ဒီး။ ယင်းကိုယ်လေးကို ကျစ်နေအောင် ဖက်ထားရင်း သူ့ကိုယ်အောက်ပြန်ပို့လိုက်သည်။ အရယ်မပျက်သေး။
ခေါင်းအုံးနှစ်လုံးကြားထဲ ခေါင်းလေးမြှုပ်နေတဲ့ ယင်းက ချစ်ဖို့ကောင်းသည်။
" ဒီး...... "
" အင်း ပြော၊ ကိုယ်ရှိတယ် "
" ပြောလေ ယင်း "
" ......... "
" ဒုက္ခပဲ၊ ဘာလို့နှုတ်ခမ်းတွေကိုက်နေတာလဲ၊ ဘာကိုမပြောရဲလို့လဲ၊ ကိုယ်ရှိတယ်လေ ပြောချင်ရာပြောလို့ရပါတယ် ကလေးငယ်ရယ် "
" ........ "
သူ့ကိုစိုက်ကြည့်ပြီး အောက်နှုတ်ခမ်းကိုသာ ခပ်နာနာကိုက်နေတဲ့ ယင်းကြောင့် အကြောင်းသိ သူက ယင်းစကားပြောဖို့ လမ်းဖောက်ပေးနေရသည်။
" ချစ်တယ် ခင်များကို "
" ကိုယ်ကလည်း ချစ်ရလွန်းလို့လေ၊ ကိုယ်ကလည်းမင်းကို ချစ်လွန်းလို့ပါ၊ ကိုယ်တောင်းပန်ပါတယ် ယင်းရယ်၊ ကိုယ်တောင်းပန်ပါတယ် "
အောက်နှုတ်ခမ်းကို ဖိကိုက်ထားတာ မပြတ်တဲ့ ယင်းက ဝဲတတ်လာတဲ့ မျက်ရည်ကြည်တွေကို မျက်တောင်ဖျားတွေနဲ့ ပုတ်ခတ်ထုတ်သည်။
နှုတ်ခမ်းတွေ ဆက်မကိုက်အောင် ဒီးက သူ့အနမ်းတွေနဲ့ ထွေးပွေ့လာတဲ့အခါ ဆက်မထိန်းနိုင်တော့တဲ့ ယင်းမျက်ရည်တွေဟာ မျက်နှာငယ်ငယ်ပေါ် ရွဲစိုရတော့သည်။
YOU ARE READING
နွယ်ရှင် {Complete}
Romanceအိမ်လေးတစ်အိမ်ရှိမယ်ဆို ဒါဟာ ချစ်ခြင်းမေတ္တာနွယ်ကြိုးရှင်တွေ ရစ်တွယ်နေမဲ့ ဒီးနဲ့ ယင်းတို့ရဲ့ အသိုက်အမြုံငယ်လေး ဖြစ်နေပါလိမ့်မယ်။ အိမ္ေလးတစ္အိမ္႐ွိမယ္ဆို ဒါဟာ ခ်စ္ျခင္းေမတၱာႏြယ္ႀကိဳး႐ွင္ေတြ ရစ္တြယ္ေနမဲ့ ဒီးနဲ႔ ယင္းတို႔ရဲ႕ အသိုက္အျမဳံငယ္ေလး ျဖစ္ေန...
