بمجرد ما وعات على ردة فعلها كيف يمكن تكون تفهمات قالت مدوزة خصلات من شعرها مور وذنها
مي: احم...لا..غير زعما قلت
أرمان(قاطعها بنبرة جدية): أيمن غادي يبقى ...غير بوحدي غادي نمشي ...يوماين ونرجع.
هازا معاك بورطابلك؟ ماسجلتش لك النمرة!!
مي ( جبداته من الجيب ومداته له) : آه هاهو عندي
خذاه وبمجرد ما فتحه دخل لجهات الإتصال طاحت عينه على جوج سميات لي فيه، كريمة وزياد...بقا شحال كايتمعن فسمية زياد كايتفكر شكون، ماغاديش تسجل سميته بهاد السرعة إلا إلى كان شي واحد مهم...
ثواني حتى جا فبالو زياد لي في الملف ديالها ولد كريمة لي تربى معها من الصغر...
أرمان: سجلتلك نمرتي الخاصة ونمرة أيمن ....
(مدلها التيليفون)
مي: شكرا
أرمان (غمض عينيه بثقالة كرد على شكرها وكمل): ءءه بالنسبة للغة !! إلى كنت ناوية تبقاي هنا خصك تعلمي الأرمينية، أولا لا ؟
مي: اه ...فكرت فيها ..إن شاء الله حتى تقاد الأمور
أرمان: مهم ملي نرجع نعاودو نهضرو كثر فهاد الموضوع...
تبسمت بدون جواب، دار هو جلس في المكتب دياله وقال
.أرمان: صافي هادشي لاش بغيتك... يمكلك تمشي الى بغيتي
وقفات والتردد واضح عليها وكأنها كاتشاور شوية عطاته بالظهر، يالاه خطات جوج خطوات ورجعات عاود دارت عندو
مي: همم ..يمكلي ناخذ كتب دابا نديهم معيا لفوق ؟
أرمان (ومالها براسه): خوذي لي عجبك ...
مشات عند المكتبة ووقفات كادوز عيونها على الكتب بنظرة شاملة، كانت منظمة بشكل زويين كولشي باين، كتب بلغات مختالفة مقسمة لمواضيع مختالفة، يمكن لك تختار مباشرة شنو بغيتي بسهولة....
جذباتها لبلاصة فاش كاينين كتب في علم النفس، قرات بزاف ديال الكتب من هاد النوع واستافدت منهم فحياتها وتعاملها مع الناس....بان لها كتاب كاتعرفه باللغة الفرنسية، بسيط في هاذ الباب،تلفتات تشوف فأرمان عاطيها بالجنب لقاته مشغول مع شي وراق....مابغاتش تتعلق قدامه والكتاب بعيد شوية، حطات يد على الرف لي على مستواها وطلعات اليد الثانية مجبداها واقفة على صبيعات رجليها، في محاولة ليها تجبده، شوية حتى كاتحس بيه وقف من مورها قرب يلصق عليها حاط يد حدا يدها فوق االرف واليد الأخرى هزها ناحية لبلاصة لي كاتقلب توصل لها...
أرمان : غا توصليه زعما ؟؟
شمن واحد ؟
جاوباته وهي كادور لاصقة على المكتبة تقابل معاه مرتابكة شوية من الموقف
