فغرفة أخرى آخر نفس الممر كان زياد ناعس بفعل المهدئات لي عطاوه ملي جابوه، بالسيف قدرو يحكموه من الحالة لي كان فيها من بعد ما سكت قلب مي المرة الأولى قدامه وهو كايشوفيها مكتف ومالاقي كيف يدير...كان خارج على طوعه ومنوض الفوضى حدا الإنعاش ملي وصلو للمشفى فاضطرو يهدنوه وينعسوه بالدواء....خصوصا أنه حتى هو كان مضروب ومحتاج للراحة ....
كيف حل عيونة وزارت ذهنه ذكريات الواقعة ناض بسرعة خارج من الغرفة متجه للإنعاش ملهوف ومزروب يشوف حالتها كيف ولات، وهو كايقرب بان له أرمان واقف حدا الزاج كايطل عليها ماحس براسه غير والسخونية ديال الغضب والسخط طالعين معاه لحظات وكان موراه كايدورو عندو بعنف ضاربو بلكمة لخذه، قال بغضب مغدد
زياد : مرااااتك ؟؟ ...قلتي مراااتك؟ ...ومخلي مريييييض بحال هاداك يدير فيها هاد الحاالة !!!!
عاود عطاه لكمة ثانية حتى ضار وجهه للجهة لخرى وأرمان مقابل الشرار لي خارج من عيون زياد بنظراته المبهمة الجامدة مخليه يدير ما بغى بدون مقاومة، يمكن حيث كايحس راسه فعلا كايستحق، حاس راسه غالط وهو لي دخلها وسط هادشي، هو لي ماعرفش يحافظ عليها و يحميها، هو لي تسرع وتهور بمشيته عند تيگران ومافكرش بالعقل كيف موالف يحل أموره عادة ...ولكن لي خطط عرف كيف يخطط وعرفه أنه دابا ولات عنده نقطة ضعف، عرف أن السور المنيع باش كان محصن راسه طول هاد السنوات دابا تفتح فيه مدخل....مدخل سميته مي ...
ضجيجهم خلا البعض من أفراد الطاقم الطبي ديال المشفى يوقفو حايرين شنو يديرو معهم بحكم عارفينهم ماشي ناس عاديين من توصيات لبروفيسور
أما أيمن فكان كايشوف فزيااد بغضب ماقدرش يبقى بعيد واخا منعه أرمان غير زاد ضربو الضربة الثانية ورجع جاي جهتهوم قاصد زياد، حتى عاود جمد على صوت أرمان لي كان هاد المرة أقوى من المرة الأولى، بدون مايتلفت فأيمن قال مخاطبه
أرمان : أيمااان !!!! ...هضرت معااك !!
زياد ماحاس بحتى واحد من لي دايرين بيه شاد فحوايج أرمان من جهة الكول وكمل كلامه بنظراته الحقودة
زياد: ملي نتااا عاااارف حيااااتك فيلم أكشن ورعب لهاد الدرجة !!! علاش دخل وحدة بحااالها فيها ؟؟؟؟ غير هييي لي باااانت ليك ؟؟؟؟ ... كاظن أناااااني بحاااالك كايستااااحقها؟؟ كااااايستااااحق وحدة بحالها؟؟ وحدة ماترددااااتش ترمي راسها في العافية باش سياااااادتك متآذااااااش ؟؟؟ ....طول عمري حااااميها من نسمة لهواااااا لاضربهاااا وأنا حداها ....تجي نتاااااا يااالاه عرفتييييها تخاطر بحياااات....
